ଦଶହରା ବୁଲି ଫେରିବା ବେଳେ ଦୁର୍ଘଟଣା, ଦୁଇ ସାଙ୍ଗ ମୃତ

ବାଙ୍କୀ: ଦଶହରା ଦେଖିବାକୁ ଯାଇ ଆଉ ଘରକୁ ଫେରିଲେନି ଦୁଇ ସାଙ୍ଗ । ଦୁର୍ଘଟଣାରେ ଚାଲିଗଲା ଦୁଇ ଜଣଙ୍କ ଜୀବନ । ଘଟଣା ଘଟିଛି ବାଙ୍କୀ ମୁରାରିପୁର ଛକ ନିକଟରେ ।

ମିଳିଥିବା ସୂଚନା ଅନୁସାରେ, ଭଗିପୁର ଗାଁର ବିଭୁତି ନାୟକ ଏବଂ ବାଦଲ ଜେନା ଦଶହରା ମେଢ଼ ଦେଖିବାକୁ ବାଙ୍କୀ ଡମପଡା ଯାଇଥିଲେ । ସେଠାରେ ଦଶହରା ମେଢ଼ ଦେଖି ବୁଲାବୁଲି କରିବା ପରେ ଘରକୁ ଫେରୁଥିଲେ । ମୁରାରିପୁର ଛକ ନିକଟରେ ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଏକ ଗଛରେ ପିଟି ହୋଇଯାଇଥିଲେ । ଘଟଣାସ୍ଥଳରେ ଉଭୟଙ୍କ ମୃତ୍ୟୁ ଘଟିଛି ।