ବରାହ ଶିକାର ପାଇଁ ଖଞ୍ଜା ଯାଇଥିବା ବୋମା ଖାଇଦେଲା ବଳଦ, ତା’ପରେ…

କେନ୍ଦୁଝର: ଜଙ୍ଗଲରେ ବିଛାଯାଇଥିଲା ବୋମା । ବରାହ ଶିକାର ଥିଲା ଶିକାରୀଙ୍କ ଯୋଜନା । ହେଲେ ଚରୁଥିବା ବେଳେ ବୋମାଟିକୁ ଖାଇ ଦେଲା ଏକ ବଳଦ । ବୋମାଟି ପାଟିରେ ନେବା ପରେ ବିସ୍ଫୋରଣ ହୋଇଥିଲା । ଫଳରେ ବଳଦଟି ଗୁରୁତର ଆହତ ହୋଇଛନ୍ତି । ଘଟଣା ଘଟିଛି କେନ୍ଦୁଝର ବନଖଣ୍ଡ ତେଲକୋଇ ବନାଞ୍ଚଳ ଖୁଣ୍ଟାପଡା କେନ୍ଦୁଆଦରି ମୁଣ୍ଡା ସାହିରେ ।

ଆଜି ସକାଳେ ଖୁଣ୍ଟାପଡା ଗାଁର ରମେଶ ମହାକୁଡ଼ ଗୋରୁ ପଲକୁ ନେଇ ଚରାଇବାକୁ ଯାଇଥିଲେ । ତେବେ ବରାହ ଶିକାର ପାଇଁ ଧାନ କ୍ଷେତ ପାଖରେ ଶିକାରୀ ଏକ ବୋମା ରଖିଥିଲେ । ଯାହାକୁ ଏକ ବଳଦ ଖାଇ ଦେବାରୁ ବୋମାଟି ତା’ ମୁହଁରେ ଫାଟି ଯାଇଥିଲା । ବୋମା ଫାଟିଯିବା ଯୋଗୁଁ ବଳଦର ମୁହଁ କ୍ଷତବିକ୍ଷତ ହୋଇଯାଇଥିଲା । ଗୁରୁତର ଅବସ୍ଥାରେ ବଳଦଟି ପଡିଥିବାରୁ ଚିକିତ୍ସା ବ୍ୟବସ୍ଥା କରିବାକୁ ନିବେଦନ କରିଛନ୍ତି ମାଲିକ ରମେଶ ।