ସାଂସଦ ସଞ୍ଜୟ ରାଓ୍ବତଙ୍କୁ ୧୫ ଦିନ ଜେଲ୍ ଦଣ୍ଡାଦେଶ

ମୁମ୍ବାଇ: ଶିବସେନା ଉଦ୍ଧବ ଗୋଷ୍ଠୀର ବରିଷ୍ଠ ନେତା ତଥା ରାଜ୍ଯସଭା ସାଂସଦ ସଞ୍ଜୟ ରାୱତଙ୍କୁ ଜେଲ ଦଣ୍ଡାଦେଶ । ଏକ ମାନହାନୀ ମନ୍ତବ୍ଯ ମାମଲାରେ ସଞ୍ଜୟଙ୍କୁ ୧୫ ଦିନ ଲାଗି ଜେଲ ଦଣ୍ଡାଦେଶ ଦେଇଛନ୍ତି ମୁମ୍ବାଇର ଏକ କୋର୍ଟ । ଏହାସହ ୨୫ ହଜାର ଟଙ୍କାର ଜରିମାନା କରିଛନ୍ତି କୋର୍ଟ ।

ବିଜେପି ସାଂସଦ କୀର୍ତ୍ତି ସୋମେୟାଙ୍କ ପତ୍ନୀ ମେଧା ସୋମୈୟାଙ୍କ ପକ୍ଷରୁ ରୁଜୁ ମାମଲାର ଶୁଣାଣି କରି କୋର୍ଟ ଏହି ରାୟ ଦେଇଛନ୍ତି । ଆଇପିସିର ଧାରା ୫୦୦ ଅନୁସାରେ ସଞ୍ଜୟ ଦୋଷୀ ସାବ୍ଯସ୍ତ ହୋଇଥିଲେ । ମେଧା ମୁମ୍ବାଇର ଏକ କଲେଜରେ ପ୍ରଫେସର ଅଛନ୍ତି । ନିଜ ଅଭିଯୋଗରେ ମେଧା ଦର୍ଶାଇଥିଲେ ସାଂସଦ ସଞ୍ଜୟ, ସ୍ବାମୀ କୀର୍ତ୍ତି ସୋମେୟା ଏବଂ ତାଙ୍କ ବିରୋଧରେ ଅରୁଚିକର ମନ୍ତବ୍ଯ ଦେଇଥିଲେ । ୧୦୦ କୋଟି ଟଙ୍କାର ଟଏଲେଟ ନିର୍ମାଣ ସ୍କାମରେ ମେଧା ଓ ତାଙ୍କ ଦ୍ବାରା ପରିଚାଳିତ ଏନଜିଓ ଯୁବ ପ୍ରତିଷ୍ଠାନ ସମ୍ପୃକ୍ତ ରହିଛି ବୋଲି ସଞ୍ଜୟ ଅଭିଯୋଗ କରିଥିଲେ ।