ରାଉରକେଲାରେ ନାବଳିକାଙ୍କୁ ଗଣଦୁଷ୍କର୍ମ ଅଭିଯୋଗ, ୫ ଅଭିଯୁକ୍ତ ଘଟଣାରେ ସାମିଲ

ରାଉରକେଲା : ରାଜ୍ୟରେ ଅସୁରକ୍ଷିତ ମହିଳା । ଓଡ଼ିଶାର ଛବିକୁ ମଳିନ କରିଛି ଗୋଟିଏ ପରେ ଗୋଟିଏ ଲଜ୍ଜାଜନକ ଘଟଣା । ଜଣେ ନାବାଳିକାକୁ ଗଣଦୁଷ୍କର୍ମ କଲେ ମଣିଷ ରୂପୀ ରାକ୍ଷସ । ଇସ୍ପାତ ନଗରୀ ରାଉରକେଲାରୁ ଆସିଛି ଏଭଳି ସଂଘାତିକ ଅଭିଯୋଗ । ୫  ଅଭିଯୁକ୍ତ ଦୁଷ୍କର୍ମ ଘଟଣାରେ ସାମିଲ ଥିବା ରଘୁନାଥପାଲି ଥାନାରେ ଅଭିଯୋଗ ହୋଇଛି ।  ପୀଡିତାଙ୍କ ପରିବାର ପକ୍ଷରୁ ଏତଲା ଦିଆଯିବା ପରେ ମାମଲା ରୁଜୁ କରି ଅଭିଯୁକ୍ତଙ୍କୁ ଧରିବାକୁ ଛାନବିନ ଆରମ୍ଭ କରିଛି ପୋଲିସ । ୪ଟି ଟିମ ଗଠନ କରାଯାଇ ବିଭିନ୍ନ ସ୍ଥାନରେ ଚଢ଼ାଉ ଆରମ୍ଭ ହୋଇଛି। ଅତିରିକ୍ତ ଏସପି, ପୋଲିସ ଏସଡିପିଓଙ୍କ ନେତୃତ୍ବରେ ୪ ଟିମ ପକ୍ଷରୁ ଚଢାଉ ଜାରି ରହିଛି । ସାଇଣ୍ଟିଫିକ ଟିମ, ପୋଲିସ ସନ୍ଧାନୀ କୁକୁର ନିୟୋଜିତ ହୋଇଛନ୍ତି । ପୀଡିତା ନାବାଳିକାଙ୍କ ମେଡିକାଲ ଟେଷ୍ଟ  କରାଯିବା ସହ ଵୟାନ ରେକର୍ଡ କରାଯାଇଛି । ପୀଡିତା ଗଣଦୁଷ୍କର୍ମ ହୋଇଥିବା ଘଟଣାସ୍ଥଳ ପୋଲିସକୁ ଦେଖାଇବା ସହ ସିନ ରିକ୍ରିଏସନ କରାଯାଇଛି । ଏହାସହ ତଦନ୍ତକାରୀ ପୋଲିସ ଟିମ ଆଜି ପାର୍କର ସୁରକ୍ଷା କର୍ମୀଙ୍କୁ ପଚରାଉଚରା କରିଛି।

ଗତ ୨୨ ତାରିଖ ରାତିରେ ସିଭିଲ ଟାଉନସିପର ଏକ ରେଷ୍ଟୁରାଣ୍ଟ ନିକଟରୁ ୧୭ ଵର୍ଷର ନାବାଳିକାକୁ ଉଠାଇ ନେଇ ୫ ଜଣ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଥିଲା । ପ୍ଲାଣ୍ଟ ସାଇଟ ଥାନା ଅନ୍ତର୍ଗତ ସାତତାଲା ଛକ ନିକଟ ପାର୍କରେ ଜରି ପାଲ ଘେରା ଏକ ଅନ୍ଧାରୁଆ ଜାଗାରେ ଗଣ ଦୁଷ୍କର୍ମ  କରାଯାଇଥିବା ପୀଡିତା କହିଛନ୍ତି । ଅନ୍ୟପକ୍ଷରେ ଗଣ ଦୁଷ୍କର୍ମ ଘଟଣାକୁ ବିଭିନ୍ନ ମହଲରେ ନିନ୍ଦା କରାଯାଇଛି। ଗଣ ଦୁଷ୍କର୍ମ ଘଟଣାରେ ସମ୍ପୃକ୍ତ  ଥିବା ସମସ୍ତ ଅଭିଯୁକ୍ତଙ୍କୁ ଚିହ୍ନଟ କରିବା ପାଇଁ ପୋଲିସ ସିସିଟିଭି ଯାଞ୍ଚ କରିଛି । ଏହାସହ ରଘୁନାଥପାଲି ଥାନା ପୋଲିସ ତିନି ଜଣଙ୍କୁ ଅଟକ ରଖି ପଚରାଉଚରା କରୁଛି ।