ଲିଟେରାରୀ ଫେଷ୍ଟିଭାଲ ‘ଅ’ରେ ଯୋଗଦେଇ ରାଜ୍ୟର ବିପର୍ଯ୍ୟସ୍ତ ଆଇନଶୃଙ୍ଖଳାକୁ ନେଇ ଚିନ୍ତା ପ୍ରକଟ କଲେ ନବୀନ
ଭୁବନେଶ୍ବର: ରାଜ୍ଯରେ ବିଗିଡ଼ିଛି ଆଇନଶୃଙ୍ଖଳା ସ୍ଥିତି, ବଢ଼ିଛି ଦୁର୍ନୀତି । ଆଇନଶୃଙ୍ଖଳା ନିୟନ୍ତ୍ରଣରେ ୧୦୦ ଦିନର ମୋହନ ସରକାର ବିଫଳ ହୋଇଛନ୍ତି । ଭୁବନେଶ୍ବରରେ ଆୟୋଜିତ ଲିଟେରାରୀ ଫେଷ୍ଟିଭାଲ ‘ଅ’ରେ ଯୋଗ ଦେଇ ଏମିତି କହିଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ ।
ସେ କହିଛନ୍ତି, ପୁରୀରେ ରାଜ୍ଯପାଳଙ୍କ ପୁଅ ଯେପରି ଜଣେ ସରକାରୀ କର୍ମଚାରୀଙ୍କୁ ମାଡମାରିଲେ ତାହା ନିନ୍ଦନୀୟ । ଭରତପୁର ଥାନାରେ ଯେଉଁ ଘଟଣା ଘଟିଛି ତାହା ରାଜ୍ଯର ଆଇନଶୃଙ୍ଖଳା ସ୍ଥିତିକୁ ପଦାରେ ପକାଇଛି ।
ଉତ୍ସବରେ ନ୍ୟୁ ଇଣ୍ଡିଆନ ଏକ୍ସପ୍ରେସର ଏଡିଟୋରିଆଲ ଡିରେକ୍ଟର ପ୍ରଭୁ ଚାୱାଲା ଯୋଗ ଦେଇଥିଲେ । ରାଜ୍ଯର ପ୍ରମୁଖ ସାହିତ୍ଯିକ ବି ଏହି ଉତ୍ସବରେ ସାମିଲ ହୋଇଥିଲେ । ପ୍ରଭୂ ଚାଓ୍ବାଲାଙ୍କ ପ୍ରଶ୍ନର ଉତ୍ତରରେ ନବୀନ କହିଛନ୍ତି, ମୋହନ ସରକାରକୁ ବର୍ତ୍ତମାନ କୌଣସି ମାର୍କ ଦେବା ଠିକ ହେବ ନାହିଁ । କିଛିଦିନ ପରେ ଆକଳନ କରିବା ଠିକ ହେବ । ତେବେ ସରକାରରେ ସବୁ କଥା ଠିକ ଚାଲି ନଥିବା ନବୀନ କହିଛନ୍ତି ।
