ଆପ ନେତ୍ରୀ ଆତିଶୀ ହେବେ ଦିଲ୍ଲୀର ପରବର୍ତ୍ତୀ ମୁଖ୍ଯମନ୍ତ୍ରୀ

ନନ୍ଦିଘୋଷ ବ୍ୟୁରୋ: ଆପ ନେତ୍ରୀ ଆତିଶୀ ହେବେ ଦିଲ୍ଲୀର ପରବର୍ତ୍ତୀ ମୁଖ୍ଯମନ୍ତ୍ରୀ। ଆପ୍ ବିଧାୟକ ଦଳ ବୈଠକରେ ସର୍ବସମ୍ମତି କ୍ରମେ ନିଷ୍ପତ୍ତି ନିଆଯାଇଛି। ଦିଲ୍ଲୀ ମନ୍ତ୍ରିମଣ୍ଡଳରେ ଅନେକ ଗୁରୁତ୍ବପୂର୍ଣ୍ଣ ଦାୟିତ୍ବ ସମ୍ଭାଳିଛନ୍ତି ଆତିଶୀ। ଶିକ୍ଷା, ମହିଳା ଓ ଶିଶୁ ବିକାଶ, ସଂସ୍କୃତି, ପର୍ଯ୍ୟଟନ, ପୂର୍ତ୍ତମନ୍ତ୍ରୀ ଅଛନ୍ତି ଆତିଶୀ। ଆତିଶୀଙ୍କ ନାଁ ପ୍ରସ୍ତାବ ଦେଇଥିଲେ ଅରବିନ୍ଦ କେଜରିୱାଲ। ଗତ ସେପ୍ଟେମ୍ବର ୧୫ରେ କେଜରିୱାଲ ଇସ୍ତଫା ଘୋଷଣା କରିବା ପରେ ଆତିଶୀଙ୍କ ନାଁ ଚର୍ଚ୍ଚାକୁ ଆସିଥିଲା। ଦିଲ୍ଲୀ ସରକାରଙ୍କ ୧୪ଟି ବିଭାଗର ଦାୟିତ୍ବ ତୁଲାଉଥିଲେ ଆତିଶୀ। ମୁଖ୍ଯମନ୍ତ୍ରୀ ଓ ଉପମୁଖ୍ଯମନ୍ତ୍ରୀ ଜେଲରେ ଥିବାବେଳେ ଆତିଶୀ ତୁଲାଉଥିଲେ ଦାୟିତ୍ବ । ଶେଷରେ ଆତିଶୀଙ୍କ ଧୈର୍ଯ୍ଯ, ତ୍ୟାଗ ଓ ଦାୟିତ୍ବବୋଧକୁ ମିଳିଛି ପୁରସ୍କାର।

କିଏ ଏହି ଆତିଶୀ ମାର୍ଲେନା ସିଂ ?

ଆତିଶୀ ମାର୍ଲେନା ସିଂ ଆତିଶୀ ନାମରେ ବେଶ୍ ପରିଚିତ । ୧୯୮୧ ଜୁନ ୮ରେ ଆତିଶୀଙ୍କ ଜନ୍ମ । ଦିଲ୍ଲୀ କାଲକାଜି ଆସନରୁ ବିଜୟୀ ହୋଇଛନ୍ତି ଆତିଶୀ । ଆପର ରାଜନୈତିକ ବ୍ଯାପାର କମିଟି ସଦସ୍ଯ ଅଛନ୍ତି ଆତିଶୀ । ଆତିଶୀଙ୍କ ବାପା ଦିଲ୍ଲୀ ବିଶ୍ବବିଦ୍ୟାଳୟ ପ୍ରଫେସର ବିଜୟ ସିଂ । ମାର୍କସ ଓ ଲେନିନଙ୍କ ନାମକୁ ଆଧାର କରି ଦିଆଯାଇଥିଲା ମାର୍ଲେନା ନାମ । ଦିଲ୍ଲୀର ସେଣ୍ଟ ଷ୍ଟିଫେନ୍ସ କଲେଜରୁ ଶିକ୍ଷାଲାଭ କରିଥିଲେ ଆତିଶୀ ।ଅକ୍ସଫୋର୍ଡ ବିଶ୍ବବିଦ୍ୟାଳୟରେ ଶିକ୍ଷାଲାଭ କରିଛନ୍ତି ଆତିଶୀ । ମଧ୍ଯପ୍ରଦେଶର ଖଣ୍ଡୱାରେ ଜଳ ସତ୍ଯାଗ୍ରହରେ ଅଂଶଗ୍ରହଣ କରିଥିଲେ ଆତିଶୀ ।ଦିଲ୍ଲୀର ବହୁ ସମସ୍ଯାଜନିତ ଆନ୍ଦୋଳନର ନେତୃତ୍ବ ନେଇଛନ୍ତି ।

କାହିଁକି ଆତିଶୀଙ୍କ ନାଁରେ ମୋହର ?

କେଜରିୱାଲଙ୍କ ଗିରଫଦାରୀ ପରେ ଦିଲ୍ଲୀ ସରକାରଙ୍କ ପ୍ରମୁଖ ଦାୟିତ୍ବ ନେଇଥିଲେ ।ଏକାଦିକ୍ରମ ୧୪ଟି ବିଭାଗ ସମ୍ଭାଳିବାର ରହିଛି ଅଭିଜ୍ଞତା । ରାଜନୀତିରେ ବେଶ୍ ଅଭିଜ୍ଞ ଆପ୍ ନେତ୍ରୀ ଆତିଶୀ । କେଜରିୱାଲ ଓ ସିସୋଦିଆଙ୍କ ଗିରଫ ପରେ ସମ୍ଭାଳିଥିଲେ ଦାୟିତ୍ବ । ଲୋକସଭା ନିର୍ବାଚନରେ ବେଶ୍ ଚର୍ଚ୍ଚାରେ ଥିଲେ ଆତିଶୀ । ଦିଲ୍ଲୀରେ ଜଳ ଯୋଗାଣ ଲାଗି ଅନଶନ କରି ରହିଥିଲେ ଚର୍ଚ୍ଚାରେ । ଶିକ୍ଷା, ଅର୍ଥ ପରି ଗୁରୁତ୍ବପୂର୍ଣ୍ଣ ଦାୟିତ୍ବ ସମ୍ଭାଳିଛନ୍ତି ଆତିଶୀ । ଅକ୍ସଫୋର୍ଡ ସମେତ ବହୁ ଗୁରୁତ୍ବପୂର୍ଣ୍ଣ ପ୍ରତିଷ୍ଠାନର କରିଛନ୍ତି ଶିକ୍ଷାଲାଭ । ଜୈବିକ ଚାଷରେ ବେଶ ଅଭିଜ୍ଞତା ହାସଲ କରିଛନ୍ତି ଆତିଶୀ । ଆପ୍ ଗଠନ ପରଠାରୁ ଦଳରେ ସାମିଲ ଥିଲେ ଆତିଶୀ