ସୁଭଦ୍ରା ସଚେତନତା ରାଲିରେ ଆସି ନବୀନଙ୍କୁ ଝୁରିଲେ ମାଆ

ଭୁବନେଶ୍ୱର: ସୁଭଦ୍ରା ସଚେତନତା ରାଲିରେ ଆସି ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଝୁରିଲେ ମାଆ । ନବୀନଙ୍କ ଯୋଜନା ଭଲ ଥିଲା ବୋଲି କହି ପୂର୍ବ ସରକାରଙ୍କୁ ମନେ ପକାଇଲେ ମହିଳା। ୧୭ ତାରିଖରେ ୫ ହଜାର ଟଙ୍କା ମିଳିବ। ଏନେଇ ମାଆମାନେ କହିଛନ୍ତି, ମୋତେ ସୁଭଦ୍ରା ଯୋଜନାରେ ଟଙ୍କା ମିଳିବ ନାହିଁ। ମୋର ସ୍କୁଟି ଅଛି, ମୋର କଟିଯିବ। ବିଜେପି ସରକାର ଭୋଟ ପୂର୍ବରୁ ଗୋଟେ କଥା କହିଥିଲା, ଭୋଟ ସରିବା ପରେ ଆଉ ଗୋଟେ କଥା । ୫୦ ହଜାର ୨ ବର୍ଷରେ ଦେବି ବୋଲି କହିଥିଲେ। ଏବେ ୫ ବର୍ଷରେ ୧୦ ହଜାର ଦେବ। ଏକାଥରକେ ୫୦ ହଜାର ମିଳିଥିଲେ ଭଲ ହୁଅନ୍ତା। ବର୍ଷକୁ 10 ହଜାର ଦେଲେ ଖର୍ଚ୍ଚ ହୋଇଯିବ । ଆମେ ସେହି ଟଙ୍କା ନେଇ କଣ କରିବୁ ବୋଲି ପ୍ରଶ୍ନ କରିଛନ୍ତି ମହିଳା ।

ଭତ୍ତା ଟଙ୍କା ବଢିବ ବୋଲି ବି କହିଥିଲା ବିଜେପି । ହେଲେ ଯେଉଁ ୧ ହଜାର ଟଙ୍କାକୁ ସେହି ୧ ହଜାର ଟଙ୍କା ଭତ୍ତା ମିଳୁଛି । ବିଜେପିର ସବୁ ବାହାସ୍ପଟ ଆମେ ଜାଣିସାରିଲୁଣି ବୋଲି କହିଛନ୍ତି ମହିଳା। ନବୀନ ବାବୁ ଏସଏଚଜି କରି ଋଣ ଦେଉଥିଲେ । ନବୀନ ସରକାର ଯାହା ସାହାଯ୍ୟ କରିଛନ୍ତି ,ତାହା ଆମେ ଜୀବନ ସାରା ଭୁଲି ପାରିବୁ ନାହିଁ ବୋଲି କହି ପୂର୍ବ ସରକାରଙ୍କୁ ମନେ ପକାଇଛନ୍ତି ।