ବଢୁଛି ଜଳକା ନଦୀର ଜଳସ୍ତର, ମଥାନୀରେ ଟପିଲା ସତର୍କ ସଙ୍କେତ

ବାଲେଶ୍ୱର: ରାଜ୍ୟରେ ଲାଗି ରହିଛି ବର୍ଷା। ସତର୍କ ସଙ୍କେତ ଟପିଲା ଜଳକା ନଦୀର ଜଳସ୍ତର । ନଦୀର ମଥାନୀ ଠାରେ ସତର୍କ ସଙ୍କେତ ୬.୦୦ ମିଟର ରହିଛି। ହେଲେ ସକାଳ ୭ଟା ସୁଦ୍ଧା ଜଳସ୍ତର ବୃଦ୍ଧି ପାଇ ୬.୧୦ ମିଟରରେ ପ୍ରବାହିତ ହେଉଛି । ନଦୀର ଉପରମୁଣ୍ଡରେ ପ୍ରବଳ ବର୍ଷା କାରଣରୁ ଆହୁରି ଜଳସ୍ତର ବଢିପାରେ । ବନ୍ୟା ଆଶଙ୍କାରେ ଭୟଭୀତ ନଦୀ କୂଳିଆ ବାସିନ୍ଦା । ଲଗାଣ ବର୍ଷାରେ ୫ ଫୁଟ ତଳକୁ ଦବିଗଲା ୧୦୦ ମିଟର ରାସ୍ତା। ଭୋଗରାଇ ବ୍ଲକ କୁଳିଦା ଶୀତଳା ମନ୍ଦିରକୁ ଯିବା ରାସ୍ତା ଦବିଥିବା ଜଣାପଡିଛି।