ଯୁବରାଜଙ୍କ ଜୀବନ କାହାଣୀକୁ ନେଇ ନିର୍ମାଣ ହେବ ଫିଲ୍ମ

ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ପୂର୍ବତନ ଅଲରାଉଣ୍ଡର ଯୁବରାଜ ସିଂଙ୍କ ଜୀବନ କାହାଣୀକୁ ନେଇ ନିର୍ମାଣ ହେବ ଫିଲ୍ମ । ପରଦାରେ ଦେଖିବାକୁ ମିଳିବ ୬ ଛକା ମାରିଥିବା ଭେଟେରାନ କ୍ରିକେଟରଙ୍କ କାହାଣୀ । ଭୂଷଣ କୁମାର ଏବଂ ରବି ଭାଗଚନ୍ଦ୍ରଙ୍କ ଦ୍ବାରା ଏହି ଫିଲ୍ମ ନିର୍ମାଣ ହେବ ବୋଲି କୁହାଯାଉଛି । ଟ୍ବିଟରରେ ଏଭଳି ଏକ ଫଟୋ ସହ କ୍ୟାପସନ ପୋଷ୍ଟ ହୋଇଥିବାବେଳେ ଏହାକୁ ନେଇ ଆରମ୍ଭ ହୋଇଛି ଚର୍ଚ୍ଚା । ତେବେ ଫିଲ୍ମରେ କେଉଁ ଅଭିନେତା ଅଭିନୟ କରିବେ ତାହା ସ୍ପଷ୍ଠ ହୋଇନାହିଁ । କିନ୍ତୁ ସିଦ୍ଧାର୍ଥ ଚତୁର୍ବେଦୀ ୟୁଭିଙ୍କ ଭୂମିକା ନିଭାଇବାକୁ ମନ ବଳାଇଥିବା କୁହାଯାଉଛି । ସେପଟେ ଆଉ କେହିତ କେହି ରଣବୀରଙ୍କ ନାମକୁ ମଧ୍ୟ କହୁଛନ୍ତି । ପୂର୍ବରୁ ସଞ୍ଜୟ ଦତ୍ତଙ୍କ ଜୀବନ କାହାଣୀ ଉପରେ ନିର୍ମାଣ ଫିଲ୍ମରେ ନିଜର ଜଲଓ୍ବା ଦେଖାଇଛନ୍ତି ରଣବୀର । କିନ୍ତୁ ପ୍ରଯୋଜନା ସଂସ୍ଥା ପକ୍ଷରୁ ଏଯାବତ କିଛି ସ୍ପଷ୍ଠ ହୋଇନାହିଁ ।

କହି ରଖୁଛୁ କି, ଭାରତୀୟ କ୍ରିକେଟ ଦଳର ପୂର୍ବତନ ଅଲରାଉଣ୍ଡ ଯୁବରାଜ ସିଂ ୨୦୦୭ ଟି-୨୦ ବିଶ୍ବକପ ଏବଂ ୨୦୧୧ ଦିନିକିଆ ବିଶ୍ବକପ ବିଜୟୀ ଦଳର ସଦସ୍ୟ ରହିଥିଲେ । ଦଳର ବିଜୟରେ ତାଙ୍କର ଗୁରୁତ୍ବପୂର୍ଣ୍ଣ ଭୂମିକା ରହିଛି । ୨୦୦୭ ବିଶ୍ବକପରେ ୬ ବଲରେ ୬ ଛକା ମାରିବାର ରେକର୍ଡ ତାଙ୍କ ନାମ ନାମରେ ରହିଛି । ଯୁବରାଜ ବ୍ୟାଟିଂ, ବୋଲିଂ ସାଙ୍ଗକୁ ଫିଲ୍ଡିଂରେ ଦମଦାର ପ୍ରଦର୍ଶନ କରିଥାନ୍ତି । ଆଜି ମଧ୍ୟ ତାଙ୍କ ଷ୍ଟାଇଲକୁ ଯୁବ ଖେଳାଳିମାନେ ଅନୁସରଣ କରିଥାନ୍ତି । ସେପଟେ ପୂର୍ବରୁ ଧୋନୀଙ୍କ ବାୟୋପିକ ନିର୍ମାଣ ହୋଇ ବେଶ ପ୍ରଠଶସା ସାଉଁଟିଛି । ସୁଶାନ୍ତ ସିଂ ରାଜପୁତଙ୍କ ଜ୍ବଳନ୍ତ ଅଭିନୟକୁ ଦର୍ଶକେ ବେଶ ପସନ୍ଦ କରିଥିଲେ । ଏହାସହ କ୍ରିକେଟରଙ୍କ ଫଲୋର୍ସ ଅଧିକ ରହିଥିବାବେଳେ ପୂର୍ବରୁ ଯେଉଁସବୁ ଚଳଚ୍ଚିତ୍ର ନିର୍ମାଣ ହୋଇ ଭଲ ସଫଳତା ପାଇଛି । ଏଣୁ ଯୁବରାଜଙ୍କ କାହାଣୀ ଯଦି ପରଦାରେ ପ୍ରଦର୍ଶନ ହୁଏ ତାହେଲେ ଏହା ମଧ୍ୟ ସଫଳତା ହାସଲ କରିବ ବୋଲି ଆଶା ରଖାଯାଇଛି ।