ବାଂଲାଦେଶ ପାଇଁ କାହିଁକି ଟାର୍ଗେଟରେ ପ୍ରିୟଙ୍କା,ବରୁଣ ଧବନ ଓ ସାମନ୍ଥା ରୁଥଙ୍କ ଭଳି ବଲିଉଡ୍ ସେଲିବ୍ରିଟି ?
ଢାକା: ଜଳୁଛି ବାଂଲାଦେଶ । ଚାରିଆଡେ ଏବେ ହିଂସାର ନିଆଁ । ପ୍ରଧାନମନ୍ତ୍ରୀ ଶୈଖ ହସିନାଙ୍କ ଇସ୍ତଫା ପରେ ଆତ୍ମଘୋଷିତ ଇସଲାମ୍ ଧର୍ମଗୁରୁ ମାନେ ରାସ୍ତାକୁ ଓହ୍ଲାଇଛନ୍ତି । ହିନ୍ଦୁ ଦଳିତଙ୍କୁ ଆକ୍ରମଣ କରୁଛନ୍ତି ଏହି ଗୋଷ୍ଠୀ । ସେମାନଙ୍କ ଘର ଜଳାଇଦେବା ସହ ମହିଳାଙ୍କୁ ଅପହରଣ କରିନେଉଛନ୍ତି । ଚାରିଆଡେ ହିଂସାର ନିଆଁକୁ ବ୍ୟାପକ କରୁଛନ୍ତି ଏହି ଗୋଷ୍ଠୀ । ଯୁଦ୍ଧ ବିମାନରେ ଆସି ଭାରତରେ ଶରଣ ନେଇଥିବା ଶୈଖ ହସିନା ୟୁକେ ଠାରୁ ସୁରକ୍ଷା ଲୋଡିଛନ୍ତି । କିନ୍ତୁ ଏହି ଅଭିଯୋଗକୁ ମିଛ କହି ସଫେଇ ଦେଇଛନ୍ତି ତାଙ୍କ ପୁଅ ସଜୀବ ୱାଜଦ ଜଏ ।
ସେପଟେ ସୋସିଆଲ ମିଡିଆରେ ‘ଅଲ୍ ଆଇଜ୍ ଅନ ବାଂଲାଦେଶ ହିନ୍ଦୁଜ’ ଟ୍ରେଣ୍ଡ କରୁଛି । ୟୁଜର ମାନେ ବଲିଉଡ ସେଲିବ୍ରିଟ୍ରିଙ୍କୁ ତାତ୍ସଲ୍ୟ କରିଛନ୍ତି । ବାଂଲାଦେଶରେ ହିନ୍ଦୁ ଓ ମନ୍ଦିର ଉପରେ ବାରମ୍ବାର ଆକ୍ରମଣ ସତ୍ତ୍ବେ କାହିଁକି ବଲିଉଡ ଚୁପ୍ ଅଛି ତାକୁ ନେଇ ସମାଲୋଚନା କରିଛନ୍ତି ୟୁଜର । ପୂର୍ବରୁ ଦକ୍ଷିଣ ଗାଜାର ରାଫାରେ ଇସ୍ରାଏଲର ଏୟାର ଷ୍ଟ୍ରାଇକ ପରେ ସମବେଦନା ଜଣାଇବାକୁ ଆଗେଇ ଆସିଥିଲା ବଲିଉଡ । ଏହି ଆକ୍ରମଣରେ ୪୫ ଜଣ ପ୍ରାଣ ହରାଇ ଥିାବବେଳେ ୨୦୦ ଜଣ ଆହତ ହୋଇଥିଲେ ।
ପ୍ରିୟଙ୍କା ଚୋପ୍ରା, ବରୁଣ ଧୱନ, ଆଲିଆ ଭଟ୍ଟ, ସାମନ୍ଥା ରୁଥୁ ପ୍ରଭୁ, ତୃପ୍ତି ଡିମରି ଏବି ରିଚ୍ଚା ଚଡ୍ଢାଙ୍କ ଭଳି ସେଲିବ୍ରିଟି ସେତେବେଳେ ନିଜ ସୋସିଆଲ ମିଡିଆରେ ଅଲ୍ ଆଇଜ ଅନ୍ ରାଫା ଲେଖି ସମବେଦନା ଜଣାଇଥିଲେ । କିନ୍ତୁ ବାଂଲାଦେଶରେ ହିନ୍ଦୁଙ୍କ ପ୍ରତି ଲଗାତାର ଆକ୍ରମଣ ପରେ ବି ଜଣେ ବଲିଉଡ ସେଲିବ୍ରିଟି ଏଥିପ୍ରତି ଧ୍ୟାନ ନଦେବା ସହ ସୋସିଆଲ ମିଡିଆରେ ପଦଟିଏ ବି ପୋଷ୍ଟ କରିନାହାନ୍ତି ।
