କରଡି ମହାନଦୀ ଘାଟରେ ବୁଲୁଛି ଘଡିଆଳ କୁମ୍ଭୀର

ବୌଦ୍ଧ: ବୌଦ୍ଧ ରେଞ୍ଜ ଅଧିନସ୍ଥ କରଡି ମହାନଦୀ ଘାଟରେ ଦେଖିବାକୁ ମିଳିଛି ଏକ ଘଡିଆଳ କୁମ୍ଭୀର । ସ୍ଥାନୀୟ ଲୋକେ ନଦୀକୁ ଗାଧୋଇବାକୁ ଯାଇଥିବା ବେଳେ କୁମ୍ଭୀରଟିକୁ ଦେଖିଥିଲେ। ଏନେଇ ବନବିଭାଗକୁ ଖବର ଦେଇଥିଲେ। ବନବିଭାଗ ଘଟଣାସ୍ଥଳରେ ପହଞ୍ଚି କୁମ୍ଭୀରଟିକୁ ଟ୍ରାକ କରୁଛି।

ମହାନଦୀର ବନ୍ୟା ପାଣିରେ କୁମ୍ଭୀରଟି ସାତକୋଶିଆ ଗଣ୍ଡରୁ ଖାଦ୍ୟ ଅନ୍ୱେଷଣରେ ନଦୀକୁ ଚାଲିଆସିଥିବା ଅନୁମାନ କରାଯାଉଛି। ପ୍ରତିବର୍ଷ ଏଭଳି ବନ୍ୟା ପାଣି ଆସିଲେ କୁମ୍ଭୀରମାନେ ଉପରମୁଣ୍ଡକୁ ପଳେଇଆସନ୍ତି । ଗତବର୍ଷ ମଧ୍ୟ ଏଭଳି ଏକ ଘଡ଼ିଆଳ କୁମ୍ଭୀର ରାମଗଡ଼ ମହାନଦୀ ଘାଟରେ ଦେଖିବାକୁ ମିଳିଥିଲା।