୨୦ଟି ଗେଟ ଦେଇ ହୀରାକୁଦରୁ ଚାଲିଛି ବନ୍ଯାଜଳ ନିଷ୍କାସନ

ନନ୍ଦିଘୋଷ ବ୍ୟୁରୋ: ୨୦ଟି ଗେଟ ଦେଇ ହୀରାକୁଦରୁ ଚାଲିଛି ବନ୍ଯାଜଳ ନିଷ୍କାସନ । ବାମପାଖରୁ ୧୪ ଓ ଡାହାଣ ପାଖରୁ ୬ଟି ଗେଟରେ ବନ୍ଯାଜଳ ନିଷ୍କାସିତ ହେଉଛି । ଏବେ ହୀରାକୁଦ ଜଳଭଣ୍ଡାରରେ ୬୧୭ ଫୁଟ ଜଳସ୍ତର ରହିଛି । ପ୍ରତି ସେକେଣ୍ଡରେ ଜଲଭଣ୍ଡାର ମଧ୍ଯକୁ ୨ଲକ୍ଷ ୫୭ ହଜାର ୫୫ କ୍ଯୁସେକ ଜଳ ପ୍ରବେଶ କରୁଥିବାବେଳେ ୩ଲକ୍ଷ ୪୭ ହଜାର ୬୩୮ କ୍ଯୁସେକ ଜଳ ନିଷ୍କାସିତ ହେଉଛି । ହୀରାକୁଦରୁ ଆସୁଥିବା ପାଣି ଆଜି ରାତି ୮ଟାରୁ ୯ଟା ମଧ୍ଯରେ ମୁଣ୍ଡଳୀରେ ପହଞ୍ଚିବ । ବର୍ତ୍ତମାନ ମୁଣ୍ଡଳୀରେ ପ୍ରତି ସେକେଣ୍ଡକୁ ୧ ଲକ୍ଷ ୯୦ ହଜାର ୧୩୨ କ୍ଯୁସେକ ଜଳ ପ୍ରବାହିତ ହେଉଛି । ଏଠାରେ ଉପରମୁଣ୍ଡର ଜଳସ୍ତର ୮୦.୮୦ ଫୁଟ ରହିଥିବା ବେଳେ ତଳମୁଣ୍ଡର ଜଳସ୍ତର ରହିଛି ୭୮.୬୦ ଫୁଟ । ଚଳିତବର୍ଷର ପ୍ରଥମ ବନ୍ୟାଜଳ ପହଁଚିଲେ ମୁଣ୍ଡଳୀରେ ୪.୫ରୁ ୫ ଲକ୍ଷ କ୍ଯୁସେକ ଜଳ ପ୍ରବାହିତ ହେବ । ତେବେ ତଳମୁଣ୍ଡରେ ବର୍ଷାନଥିବାରୁ ୫ଲକ୍ଷ କ୍ୟୁସେକ ଜଳ ଆସିଲେ ବି ବନ୍ୟାର କୌଣସି ଆଶଙ୍କା ନାହିଁ ।