ଆଜି ଶ୍ରୀମନ୍ଦିର ରତ୍ନଭଣ୍ଡାର ତଦାରଖ କମିଟିର ବୈଠକ

ନନ୍ଦିଘୋଷ ବ୍ୟୁରୋ: ସୋମବାର ବସିବ ଶ୍ରୀମନ୍ଦିର ରତ୍ନଭଣ୍ଡାର ତଦାରଖ କମିଟିର ବୈଠକ । ଦିନ କମିଟି ଅଧ୍ଯକ୍ଷ ଜଷ୍ଟିସ ବିଶ୍ବନାଥ ରଥଙ୍କ ଅଧ୍ଯକ୍ଷତାରେ ଶ୍ରୀମନ୍ଦିର କାର୍ଯ୍ୟାଳୟରେ ବୈଠକ ଅନୁଷ୍ଠିତ ହେବ । ଏଥିରେ ଏଏସଆଇ ଅଧିକାରୀ ସାମିଲ ହେବାର ସୂଚନା ରହିଛି । ଶ୍ରୀମନ୍ଦିର ରତ୍ନଭଣ୍ଡାରର ମରାମତି ନେଇ ବୈଠକରେ ଆଲୋଚନା କରାଯିବ । ଖୁବଶୀଘ୍ର ଶ୍ରୀମନ୍ଦିର ରତ୍ନଭଣ୍ଡାର ମରାମତି କାର୍ଯ୍ୟ ଆରମ୍ଭ କରିବ ଏଏସଆଇ। ସେଥିପାଇଁ ପ୍ରାଥମିକ ଯାଞ୍ଚ ସରିଥିବା ବେଳେ ଏସଓପିରେ କିଛିଟା ସଂଶୋଧନ କରାଯାଇଛି। ମରାମତି ସମୟରେ ଯେମିତି ଶ୍ରୀଜୀଉଙ୍କ ରୀତିନୀତିରେ କିଛି ବାଧା ନ ଉପୁଜେ ତାକୁ ପ୍ରାଥମିକତା ଦିଆଯାଉଥିବା ଆଇନ ମନ୍ତ୍ରୀ କହିଛନ୍ତି ।ପ୍ରଥମେ ବାହାର ରତ୍ନଭଣ୍ଡାର ମରାମତି କାମ ହୋଇ ସାରିଲା ପରେ ଭିତର ରତ୍ନଭଣ୍ଡାର ମରାମତି କାମ କରାଯିବ । ହେଲେ ଲେଜର ସ୍କାନିଂ ହେବ କି ନହେବ ସେନେଇ ନିଷ୍ପତ୍ତି ନିଆଯିବ ।