ମୃତ୍ତିକା ସଂରକ୍ଷଣ କେନ୍ଦ୍ରରୁ ଅଧିକାରୀଙ୍କ ଝୁଲନ୍ତା ମୃତଦେହ ଉଦ୍ଧାର

ନନ୍ଦିଘୋଷ ବ୍ୟୁରୋ: ଯାଜପୁରରେ ଚାଞ୍ଚଲ୍ଯ । ମୃତ୍ତିକା ସଂରକ୍ଷଣ କେନ୍ଦ୍ର ପରିସରରେ ଅଧିକାରୀଙ୍କ ଝୁଲନ୍ତା ମୃତଦେହ । ମୃତକ ହେଲେ ମୃତକ ସଏଲ କଞ୍ଜରଭେସନ ଓଭରସିଅର ଅଫିସର ସୁରେଶ ମଲ୍ଲିକ । ଦୁଇଦିନ ଧରି ସେ ଅଫିସକୁ ଆସିନଥିବା ବେଳେ ଆଜି ସକାଳୁ କାର୍ଯ୍ୟାଳୟ ପରିସରରେ ଏକ ଗଛରୁ ଝୁଲନ୍ତା ମୃତଦେହ ଉଦ୍ଧାର ହୋଇଛି । ସୁରେଶଙ୍କ ଘର କେନ୍ଦ୍ରାପଡ଼ା ଜିଲ୍ଲା ଅହମ୍ମଦପୁର ଅବଦଲପୁର ଗାଁରେ । ୱାଚମ୍ଯାନଙ୍କ କହିବା ଅନୁସାରେ ପୂର୍ବରୁ ଦେହ ଖରାପ ପାଇଁ ସୁରେଶ ଔଷଧ ଖାଉଥିଲେ । ଗତ ଦୁଇଦିନ ଧରି ସେ ଅଫିସ ଆସୁନଥିଲେ । ଆଜି ସକାଳୁ ଅଫିସ ଆଗରେ ତାଙ୍କ ଗାଡ଼ି ଥୁଆ ହୋଇଥିବବେଳେ ଗେଟ୍ ଖୋଲିବାରୁ ତାଙ୍କ ଝୁଲନ୍ତା ମୃତଦେହ ଦେଖିବାକୁ ପାଇଥିଲେ । ଘଟଣାସ୍ଥଳରେ ଟାଉନଥାନା ପୋଲିସ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ କରୁଛି । କେଉଁ କାରଣ ପାଇଁ ସୁରେଶ ଏପରି ଚରମ ନିଷ୍ପତ୍ତି ନେଇଛନ୍ତି ସେନେଇ ପଚରାଉଚରା ପଚରାଉଚରା କରାଯାଉଛି । କାର୍ଯ୍ୟକ୍ଷେତ୍ରରେ କୌଣସି ଚାପ ଏବଂ ପାରିବାରିକ ସମ୍ପର୍କ ବିଷୟରେ ଅନୁଧ୍ଯାନ କରାଯାଉଛି। ତଦନ୍ତ ପରେ ଆତ୍ମହତ୍ଯାର କାରଣ ସ୍ପଷ୍ଟ ହେବ ବୋଲି ପୋଲିସ କହିଛି ।