ବ୍ରିଟେନ ରାଜନୀତିରେ ଝଟକିଲେ ବ୍ରିଟିଶ-ଭାରତୀୟ ବଂଶୋଦ୍ଭବ ପ୍ରାର୍ଥୀ, କିଏ କେଉଁଠୁ ହୋଇଛନ୍ତି ବିଜୟୀ ଜାଣନ୍ତୁ
1 min read
ନନ୍ଦିଘୋଷ ବ୍ୟୁରୋ: ବ୍ରିଟେନ ରାଜନୀତିରେ ଝଟକିଲେ ବ୍ରିଟିଶ-ଭାରତୀୟ ବଂଶୋଦ୍ଭବ ପ୍ରାର୍ଥୀ। କେରଳରୁ ଆରମ୍ଭ କରି ପଞ୍ଜାବ ଯାଏ- ୨୬ ଭାରତୀୟ ନିର୍ବାଚନରେ ବିଜୟୀ ହୋଇଛନ୍ତି। ଉଭୟ କଞ୍ଜରଭେଟିଭ ଓ ଲେବର ପାର୍ଟିରୁ ସେମାନେ ବିଜୟୀ ହୋଇଛନ୍ତି। ନିର୍ବାଚନରେ ମୋଟ ୧୦୭ ଭାରତୀୟ ବଂଶୋଦ୍ଭବ ଭାଗ ନେଇଥିଲେ। କଞ୍ଜରଭେଟିଭ ପାର୍ଟିରୁ ଲଢି ନର୍ଦର୍ଣ୍ଣ ଇଂଲଣ୍ଡରୁ ବିଜୟୀ ହୋଇଛନ୍ତି ରିଷି ସୁନକ।
ସେହିପରି ୱିଥାମରୁ ବିଜୟୀ ହୋଇଛନ୍ତି ପ୍ରୀତି ପଟେଲ। ଲିସେଷ୍ଟରରୁ ବିଜୟୀ ହୋଇଛନ୍ତି ଶିବାନୀ ରାଜା। ଫାରେହାନ ଆସନରୁ ବିଜୟୀ ହୋଇଛନ୍ତି ସୁଏଲ ବ୍ରେଭରମ୍ଯାନ। ଗଗନ ମହିନ୍ଦ୍ରା ବିଜୟୀ ହୋଇଛନ୍ତି ସାଉଥ ୱେଷ୍ଟ ହେର୍ଟଫର୍ଡସାୟାରରୁ। ସେହିପରି ଲେବର ପାର୍ଟି ପ୍ରାର୍ଥୀ କନିଷ୍କ ନାରାୟଣ, ସୀମା ମାଲହୋତ୍ରା, ଭାଲେରି ଭାଜ, ନାଦିଆ ହ୍ବିଟୋମ, ପ୍ରୀତିକୌର ଗିଲ, ତନମନଜିତ ସିଂ ଧେସି, ସାଜନ ଯୋଶେଫ, ଲିଜା ନନ୍ଦୀ, ନଭେନ୍ଦ୍ର ମିଶ୍ର, ସତବୀର କୌର, ଅଶ୍ବିନୀ ଆଠୱାଲ, ବାଗି ଶଙ୍କର, ହରପ୍ରୀତ ଉପ୍ପଲ, ୱାରନ୍ଦର ଜସ, ଗୁରିନ୍ଦର ଜୋସନ, ସୋନିଆ କୁମାର, ସୁରୀନା ବ୍ରାକନବ୍ରିଜ, କିରିଥ ଏଣ୍ଟୱିସଲ, ଜୀବନ ସାନ୍ଧେର ପ୍ରମୁଖ ବିଜୟୀ ହୋଇଛନ୍ତି।
