ମୁହାଁମୁହିଁ ବାଇକ ଧକ୍କାରେ ବାପ ମୃତ, ପୁଅ ଗୁରୁତର
କଳାହାଣ୍ଡି: ମୁହାଁମୁହିଁ ବାଇକ ଧକ୍କାରେ ବାପ ମୃତ, ପୁଅ ଗୁରୁତର । କଳାହାଣ୍ଡି ଜିଲ୍ଲା ଏମ୍ ରାମପୁର ନିକଟସ୍ଥ କେନ୍ଦୁ ବନ୍ଧ ଛକଠାରେ ଗୁରୁବାର ସକାଳେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ସୂଚନା ଅନୁଯାୟୀ, କୋମନା ବ୍ଲକର ଜେଠୁ ପାଲି ଗାଁର ଯଉବନ ତାଣ୍ଡି ଓ ପୁଅ ରାଜୀବ ତାଣ୍ଡି ଓ ଭାଗିରଥି ଜାଲ ନିଜ ଗାଁ ଅଭିମୁଖେ ଏକ ବାଇକରେ ଯାଉଥିବା ବେଳେ ବିପରୀତ ଦିଗରୁ ଆସୁଥିବା ବାଇକ ସହ ମୁହାଁମୁହିଁ ଧକ୍କା ହୋଇଥିଲେ। ଘଟଣା ସ୍ଥଳରେ ଯଉବନଙ୍କ ମୃତ୍ୟୁ ହେଇଥିବା ବେଳେ ପୁଅ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ଏମ୍ ରାମପୁର ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛି।
