ବିଜେପିରୁ ଇସ୍ତଫା ଦେଲେ ହିମାଂଶୁ ଶେଖର ସାହୁ

ନନ୍ଦିଘୋଷ ବ୍ୟୁରୋ: ବିଜେପିରୁ ଇସ୍ତଫା ଦେଲେ ହିମାଂଶୁ ଶେଖର ସାହୁ । ଯାଜପୁର ଧର୍ମଶାଳା ବିଜେପି ନେତା ହିମାଂଶୁ ଆଜି ବିଜେପିର ପ୍ରାଥମିକ ସଦସ୍ଯ ପଦରୁ ଇସ୍ତଫା ଦେଇଛନ୍ତି । ଏ ନେଇ ଏକ ସାମ୍ବାଦିକ ସମିଳନୀ ଜରିଆରେ ସୂଚନା ଦେଇଛନ୍ତି ହିମାଂଶୁ । ଧର୍ମଶାଳା ବିଜେପି ଟିକେଟ ବଣ୍ଟନକୁ ନେଇ ଅସନ୍ତୁଷ୍ଟ ଥିଲେ ହିମାଂଶୁ । ସେ ଦଳୀୟ ଟିକଟ ପାଇଁ ଆଶାୟୀ ଥିବା ବେଳେ ଦଳ ସ୍ମୃତିରେଖା ପହିଙ୍କୁ ଟିକେଟ ଦେଇଥିଲା । ଯାହାକୁ ନେଇ ଅସନ୍ତୁଷ୍ଟ ଥିଲେ ହିମାଂଶୁ । ବଡ଼ କଥା ହେଲା ସେ ଗତକାଲି ସ୍ୱାଧୀନ ଭାବେ ନିଜର ନାମାଙ୍କନ ପତ୍ର ଦାଖଲ କରିଛନ୍ତି । ଦଳ କେଉଁ ସ୍ୱାର୍ଥରେ ଧର୍ମଶାଳା ଟିକେଟ ବଣ୍ଟନ କରିଛି ତାକୁ ନେଇ ପ୍ରଶ୍ନ ଉଠାଇଛନ୍ତି । ବିଜେପିରେ ସବୁକିଛି ଠିକ ଠାକ ଚାଲୁ ନଥିବା ବେଳେ ଦଳର କିଛି ନେତା ମନମୁଖୀ ଭାବେ କାର୍ଯ୍ୟ କରୁଛନ୍ତି । ଦଳ ବ୍ୟକ୍ତିକୈନ୍ଦ୍ରିକ ଭାବେ ପରିଚାଳିତ ହେଉଛି । ଏ ନେଇ ତୁଙ୍ଗ ନେତୃତ୍ୱକୁ ଅବଗତ କରାଇଥିଲେ ସୁଦ୍ଧା କୌଣସି ସୁଫଳ ମିଳୁନଥିବାରୁ ଆଜି ସେ ଦଳରୁ ଇସ୍ତଫା ଦେଇଛନ୍ତି । ସ୍ୱାଧୀନ ଭାବେ ଆଗାମୀ ଦିନରେ ଧର୍ମଶାଳାବାସୀଙ୍କ ସ୍ୱାଭିମାନ ପାଇଁ ଲଢେଇ କରିବେ ବୋଲି ହିମାଂଶୁ କହିଛନ୍ତି ।