ଆଜି ସରୁଛି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଓ ବିଆରଏସ ନେତ୍ରୀ କେ. କବିତାଙ୍କ ହେପାଜତ ଅବଧି

ନୂଆଦିଲ୍ଲୀ : ଦିଲ୍ଲୀ ମଦ ନୀତି ମାମଲା । ଆଜି ସରୁଛି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଓ ବିଆରଏସ ନେତ୍ରୀ କେ. କବିତାଙ୍କ ବିଚାର ବିଭାଗୀୟ ହେପାଜତ ଅବଧି । ସ୍ବତନ୍ତ୍ର ବିଚାରପତି କାବେରୀ ବାଓ୍ବେଜା ଦୁହିଁଙ୍କୁ ବିଚାର ବିଭାଗୀୟ ହେପାଜତକୁ ପଠାଇଥିଲେ ।

ଗତ ମାର୍ଚ୍ଚ ୨୧ ତାରିଖରେ ଦିଲ୍ଲୀ ମଦନୀତି ମାମଲାରେ କେଜ୍ରିଓ୍ବାଲଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଗିରଫ କରିଥିଲା । ସେହିପରି ମାର୍ଚ୍ଚ ୧୫ରେ ବି କବିତାଙ୍କୁ ଗିରଫ କରିଥିଲା ପ୍ରବର୍ତ୍ତନ ନିର୍ଦ୍ଦେଶାଳୟ । ତିହାର ଜେଲରେ ଥିବା କେଜ୍ରିଓ୍ବାଲଙ୍କ ଲାଗି ଅନେକ କଟକଣା ଜାରି କରାଯାଇଥିବାବେଳେ ସାପ୍ତାହିକ ଦୁଇ ଥର ବଦଳରେ ସାପ୍ତାହିକ ପାଞ୍ଚଥର ବୈଠକ ନିମନ୍ତେ କରାଯାଇଥିବା ଆବେଦନକୁ ଖାରଜ କରିଥିଲୋ କୋର୍ଟ । ସେହିପରି ଗିରଫଦାରୀର ବିରୋଧରେ ସେ କରିଥିବା ଆବେଦନକୁ ବି ଦିଲ୍ଲୀ ହାଇକୋର୍ଟ ଖାରଜ କରିଥିଲେ ।