ରାଜ୍ୟରେ ଆରମ୍ଭ ହେଲା ପକ୍ଷୀ ଗଣନା, ବଢ଼ିଛି ବିଦେଶୀ ପକ୍ଷୀଙ୍କ ଆଗମନ

ବାଲେଶ୍ବର/ପୁରୀ: କୁଳଡିହା ଅଭୟାରଣ୍ୟ ଓ ନୀଳଗିରିରେ ପକ୍ଷୀ ଗଣନା ଆରମ୍ଭ ହୋଇଛି । ୫ଟି ସ୍ଥାନରେ ଚାଲିଛି ଗଣନା । ଗଣନା କାର୍ଯ୍ୟରେ ନିୟୋଜିତ ଅଛନ୍ତି ବନ ବିଭାଗର ୫ଟି ଟିମ୍ ସହ ୨୦ ଜଣରୁ ଅଧିକ ବନ କର୍ମଚାରୀ । କୁଳଡିହା ଅଭୟାରଣ୍ୟ ଭିତରେ ଥିବା ଖୁମକୁଟ, ବୁଗାଳିବନ୍ଧ, ରିଶିଆ, ସାତଘାଟି ଆଦି ସ୍ଥାନରେ ଗଣନା ଚାଲିଥିବା ବେଳେ ନୀଳଗିରି ପଦ୍ମତୋଳା ହ୍ରଦରେ ମଧ୍ୟ ଚାଲିଛି ପକ୍ଷୀ ଗଣନା। DFOଙ୍କ ତତ୍ବାବଧାନରେ ଚାଲିଛି ପକ୍ଷୀ ଗଣନା କାର୍ଯ୍ୟକ୍ରମ । କୁଳଡିଆରେ ଚଳିତ ବର୍ଷ ପକ୍ଷୀ ମାନଙ୍କ ସଂଖ୍ୟା ବଢ଼ିଛି ବୋଲି କହିଛନ୍ତି ପକ୍ଷୀ ବିଶେଷଜ୍ଞ ମାନେ ଓ ରାଜ୍ୟ ତଥା ରାଜ୍ୟ ବାହାରୁ ଆସୁଥିବା ପର୍ଯ୍ୟଟକ ମାନେ।

ସେହିପରି ପୁରୀ ଜିଲ୍ଲା ଅସ୍ତରଙ୍ଗରେ ଆରମ୍ଭ ହୋଇଛି ପକ୍ଷୀ ଗଣନା ।ସମଗ୍ର ଅସ୍ତରଙ୍ଗରେ ଦେଶୀ, ବିଦେଶୀ ପକ୍ଷୀଙ୍କ ଗଣନା ଆରମ୍ଭ ହୋଇଛି ।ବନ୍ୟ ପ୍ରାଣୀ ଡିଭିଜନ ଅଧୀନରେ ଥିବା ୫ଟି ଜାଗାରେ ଆରମ୍ଭ ହୋଇଛି ଗଣନା । ମୋଟ ପାଞ୍ଚଟି ଟିମ୍‌ ୧୫ଜଣ ବନକର୍ମଚାରୀ ନିୟୋଜିତ ଅଛନ୍ତି । ବାଇନାକୁଲର, ଗାଇଡ ବୁକ୍‌ ସାହାଯ୍ୟରେ ପକ୍ଷୀ ଗଣନା କରାଯାଉଛି । ସକାଳ ୫ ଟାରୁ ଆରମ୍ଭ ହୋଇଥିବା ଏହି ପକ୍ଷୀ ଗଣନା ୧୦ଟା ପର୍ଯ୍ୟନ୍ତ ଚାଲିବ। ଗଣନା ସମୟରେ ଅସ୍ତରଙ୍ଗ ବନଖଣ୍ଡ ମଧ୍ୟ୍ୟକୁ ସମସ୍ତ ଙ୍କୁ ବାରଣ କରାଯାଇଛି । ଏପରିକି ପକ୍ଷୀ ଥିବା ଅଞ୍ଚଳ ରେ ମସ୍ୟଜୀବୀ ଙ୍କ ମାଛ ଧରା ଉପରେ କଟକଣା କରାଯାଇଛି

ଏହି ଡିଭିଜନରେ ୫ଟି ରେଞ୍ଜରେ ୨୫ଟି ଟିମ ଗଣନା କାର୍ଯ୍ୟରେ ସାମିଲ ଅଛନ୍ତି । ବ୍ରହ୍ମଗିରି ରେଞ୍ଜ ଅଧୀନରେ ପକ୍ଷୀ ଗଣନା ଆରମ୍ଭ କରାଯାଇଛି। ୪ଟି ଜୋନରେ ୪ଟି ଟିମକୁ ନେଇ ଗଣନା କରାଯାଉଛି। ପ୍ରତ୍ୟେକ ଟିମରେ ବନବିଭାଗ କର୍ମଚାରୀ, ପକ୍ଷୀ ବିଶାରଦ,ସ୍ବେଛାସେବୀ ମାନେ ସାମିଲ ଅଛନ୍ତି।ବ୍ରହ୍ମଗିରି ରେଞ୍ଜଟି ଚିଲିକା ସଂଲଗ୍ନ ହୋଇଥିବାରୁ ଓ ଚିଲିକାର କିଛି ଅଞ୍ଚଳ ବ୍ରହ୍ମଗିରି ରେଂଜରେ ରହୁଥିବାରୁ ଏଠାରେ ପୁରୀ ଡିଭିଜନର ସର୍ବାଧିକ ପ୍ରଜାତିର ବିଦେଶାଗତ ପକ୍ଷୀ ଦେଖାଯାଆନ୍ତି । ଆଜି ଘନ କୁହୁଡି ହୋଇଥିବାରୁ ଗଣନା କାର୍ଯ୍ୟରେ ବ୍ୟାଘାତ ସୃଷ୍ଟି ହେଉଛି।