ସମ୍ବଲପୁର: ସମ୍ବଲପୁରରେ ଫିନାଇଲ ପିଇ କଂଗ୍ରେସ ନେତ୍ରୀଙ୍କ ଆତ୍ମହତ୍ୟା ଉଦ୍ୟମ ଅଭିଯୋଗ। କଂଗ୍ରେସ ନେତ୍ରୀ ନିଖତ ପରବିନ ଆଜି ସକାଳେ ଫିନାଇଲ୍ ପିଇ ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି। ଏବେ ସେ ମେଡିକାଲରେ ଚିକିତ୍ସାଧୀନ ଅଛନ୍ତି। ନିଜ ସ୍ୱାମୀ ଏବଂ ରେଢ଼ାଖୋଲର ପୂର୍ବତନ କଂଗ୍ରେସ ବିଧାୟକ ପ୍ରାର୍ଥୀ ଆସବ ଅଲ୍ଲୀ ଖାନ୍ ତାଙ୍କୁ ମାନସିକ ନିର୍ଯାତନା ଦେଉଥିବା ସେ ଅଭିଯୋଗ କରିଛନ୍ତି। ଆସବ ଅଲ୍ଲୀ ଖାନଙ୍କ ବିରୋଧରେ ଆଣିଛନ୍ତି ଗୁରୁତର ଅଭିଯୋଗ।
ନିଖତ ପରବିନ ଅଭିଯୋଗ କରିଛନ୍ତି ଯେ, ଆସବ ଅଲ୍ଲୀ ଖାନ୍ ତାଙ୍କୁ ଦିନେ ନିଜ ଚ୍ୟାମ୍ବରକୁ ଡାକି କହିଥିଲେ, ମୋ କଥା ମାନି ଚାଲିଲେ ଉଭୟଙ୍କର ଫାଇଦା ଅଛି। ଭୁବନେଶ୍ୱରରେ ବଡ଼ବଡ଼ ନେତାଙ୍କୁ ହନି ଟ୍ରାପରେ ଫସାଇବାକୁ କହିଥିଲେ। ନିଖତ ପରବିନ ରାଜି ନହେବାରୁ ତାଙ୍କୁ ବରବାଦ କରିଦେବା ପାଇଁ ଧମକ ଦେଇଥିଲେ ଅସାବ ଖାନ। ମୋର ରାହୁଲ ଗାନ୍ଧୀଙ୍କ ସହ ସମ୍ପର୍କ ଅଛି।
https://youtu.be/fG5uHhQUspk?si=xlQsF8W3itMoqY5p
ରାଜନୈତିକ କ୍ୟାରିୟର ଖତମ କରିଦେବାକୁ ଆସବ ଖାନ୍ ଧମକ ଦେଇଥିବା ନିଖତ ପରବିନ କହିଛନ୍ତି। ଆତ୍ମହତ୍ୟା ପୂର୍ବରୁ ନିଖିତ ପରବିନ ତାଙ୍କର କିଛି ବିଶ୍ଵସ୍ତ ଲୋକକୁ ଏନେଇ ହ୍ବାଟସଆପରେ ମେସେଜ କରିଥିଲେ। ଏବେ ମେଡିକାଲରେ ଚିକିତ୍ସାଧୀନ ଅଛନ୍ତି ନିଖିତ ପରବିନ।
