ବ୍ୟୁରୋ ରିପୋର୍ଟ : ବିଶ୍ବର ଅନ୍ୟତମ ସର୍ବବୃହତ୍ ମାଇକ୍ରୋବ୍ଲଗିଂ ପ୍ଲାଟଫର୍ମ ଏକ୍ସ ଆଜି ସକାଳଠାରୁ ଡାଉନ୍ ରହିଛି । ଦିନ ୧୧ଟା ପରଠାରୁ Xର ଓ୍ବେବସାଇଟ୍ ଖୋଲୁନଥିବା ଦେଖିବାକୁ ମିଳିଛି । ଏହାକୁ ନେଇ ଲକ୍ଷାଧିକ ୟୁଜର ଅସନ୍ତୋଷ ପ୍ରକାଶ କରିବା ସହ ଏକ୍ସ ତଥା ଟ୍ବିଟର ବିରୋଧରେ କ୍ଷୋଭ ପ୍ରକାଶ କରିଛନ୍ତି । ସର୍ଭରରେ ଗ୍ଲିଚ୍ କାରଣରୁ ଏଭଳି ହୋଇଥିବା କିଛି ଗଣମାଧ୍ୟମ ଉଲ୍ଲେଖ କରିଛନ୍ତି।

ଟ୍ବିଟରକୁ ଏଲନ ମସ୍କ ଅଧିଗ୍ରହଣ କରିବା ପରଠାରୁ ୩ ଥର ଏଭଳି ଟେକ୍ନିକାଲ୍ ଗ୍ଲିଚ୍ ଦେଖିବାକୁ ମିଳିଲାଣି। ଗତ ମାର୍ଚ୍ଚ ୫ ତାରିଖରେ ଇଂଲଣ୍ଡ ଏବଂ ଆମେରିକାର ୟୁଜର ଏନେଇ ଅସନ୍ତୋଷ ପ୍ରକାଶ କରିଥିଲେ। ଜୁଲାଇ ମାସରେ ମଧ୍ୟ ସର୍ଭର ଡାଉନ୍ ହୋଇଥିଲା। ଟ୍ବିଟର ଡାଉନ୍ ହେବା କାରଣରୁ କୌଣସି ପ୍ରକାରର ପୋଷ୍ଟିଂ ସମ୍ଭବପର ହେଉନାହିଁ ।