ବିଶ୍ବକପ ଫାଇନାଲ ପୂର୍ବରୁ ସୋସିଆଲ ମିଡିଆରେ ଭବିଷ୍ୟବାଣୀ
1 min read
ନନ୍ଦିଘୋଷ ବ୍ୟୁରୋ: କିଏ ହାତେଇବ ବିଶ୍ବକପ ଟ୍ରଫି ? କେଉଁ ଦଳ ଆଣିବ ଦେଶ ପାଇଁ ଗୌରବ ? ଦୀର୍ଘ ୨୦ ବର୍ଷ ପରେ ପୁଣି ଥରେ ଫାଇନାଲରେ କଙ୍ଗାରୁ ଟିମ୍ ସହ ମୁହାଁମୁହିଁ ହେବ ଟିମ ଇଣ୍ଡିଆ । ୫ ଥରର ଚାମ୍ପିଅନ ଟିମ୍ ପାଇଁ ଘାତକ ହେବ କି ଭାରତୀୟ ଟିମ୍ ? ୨୦୦୩ର ପ୍ରତିଶୋଧ ନେବାକୁ ପ୍ରସ୍ତୁତ ହେଲାଣି ମେନ ଇନ ବ୍ଲୁ । ଏହାରି ମଧ୍ୟରେ ଅନେକ ଭବିଷ୍ୟବାଣୀ । ବିଶ୍ବକପ ବାଜି କିଏ ଜିତିବା ନେଇ ଆଶା ଆଶଙ୍କାରେ କ୍ରିକେଟ ପ୍ରେମୀ । ସେପଟେ ବିଶ୍ବକପ ବିଜେତାକୁ ନେଇ ସୋସିଆଲ ମିଡିଆରେ ଏକ ଫଟୋ ଭାଇରାଲ ହେବାରେ ଲାଗିଛି । ଏହି ଫଟୋରେ ବିଶ୍ବକପ ଟ୍ରଫି ସହ ଇଣ୍ଡିଆ ଓ ଅଷ୍ଟ୍ରେଲିଆ ଟିମର ଅଧିନାୟକ ନଜର ଆସୁଛନ୍ତି ।
ଫଟୋ ଭାଇରାଲ ହେବା ପରେ ୟୁଜର୍ସ ବି ନାନା ମତ ଦେବାରେ ଲାଗିଛନ୍ତି । ଭାରତ ବିଶ୍ବକପ ଟ୍ରଫି ହାତେଇବା ସପକ୍ଷରେ ଅଧିକାଂଶ ୟୁଜର୍ସ କମେଣ୍ଟ କରୁଛନ୍ତି । ସେହିପରି ଆଉ ଏକ ଫଟୋ ବି ଭାଇରାଲ ହେବାରେ ଲାଗିଛି । ଯେଉଁଥିରେ ପୂର୍ବତନ ଚାମ୍ପିଅନ ଟିମର ଅଧିନାୟକ ଓ ରନର୍ସ ଅପ ଟିମର ଅଧିନାୟକ ଥିବା ଦେଖିବାକୁ ମିଳୁଛି । ସେମାନଙ୍କ ମଝିରେ ବିଶ୍ବକପ ଟ୍ରଫି ରଖାଯାଇଛି । ଏହି ଫଟୋକୁ ଯଦି ନୀରିକ୍ଷଣ କରାଯାଏ ତେବେ ପୂର୍ବରୁ ଚାମ୍ପିଅନ ହୋଇଥିବା ଟିମର ଅଧିନାୟକ ବାମ ପଟେ ଛିଡା ହୋଇଥିବା ଦେଖିବାକୁ ମିଳିଛି । ଏହି କ୍ରମରେ ଫଟୋର ଶେଷ ଭାଗରେ ବାମ ପଟେ ଭାରତୀୟ ଅଧିନାୟକ ରୋହିତ ଶର୍ମା ଛିଡା ହୋଇଥିବାବେଳେ ଡାହାଣ ପଟେ ଅଷ୍ଟ୍ରେଲିଆ ଅଧିନାୟକ ପ୍ୟାଟ କ୍ୟୁମିନସ ଛିଡା ହୋଇଛନ୍ତି ।
ସେ ଯାହା ବି ହେଉନା କାହିଁକି ICC ବିଶ୍ବକପ ୨୦୨୩ ଟ୍ରଫି ଭାରତ ଜିତୁ ବୋଲି ଆମେ ଶୁଭକାମନା ଜଣାଇବୁ ।
