ଘରୋଇ ବସ୍ ଧର୍ମଘଟ ପ୍ରତ୍ୟାହୃତ

ଭୁବନେଶ୍ବର: ପ୍ରସ୍ତାବିତ ଧର୍ମଘଟରୁ ଓହରିଲା ଘରୋଇ ବସ୍ ମାଲିକ ସଂଘ । ୧୦ ଜିଲ୍ଲାରେ ହେବାକୁ ଥିବା ବସ୍ ଧର୍ମଘଟ ପ୍ରତ୍ୟାହୃତ । ୮ ତାରିଖରେ ସରକାରଙ୍କ ସହ ଆଲୋଚନା ପରେ ପରବର୍ତ୍ତୀ ନିଷ୍ପତ୍ତି । ଘରୋଇ ବସ୍ ମାଲିକ ସଂଘ ସମ୍ପାଦକ ଦେବେନ୍ଦ୍ର ସାହୁ ଦେଲେ ସୂଚନା ।

ସୂଚନାଯୋଗ୍ୟ ଦଶହରା ସମୟରେ ଘରୋଇ ବସ୍ ମାଲିକ ସଙ୍ଘ ଧର୍ମଘଟ ଡାକରା ଦେଇଥିଲା । ଫଳରେ ଯାତ୍ରୀ ସେବାରେ ସମସ୍ୟା ଉପୁଜିଥିଲା । ଦଶହରା ଛୁଟିରେ ଲୋକେ ଘରକୁ ଯିବାକୁ ନାହିଁ ନଥିବା ସମସ୍ୟାର ସମ୍ମୁଖୀନ ହୋଇଥିଲେ ।

ରାଜ୍ୟ ସରକାରଙ୍କ ସହ ଆଲୋଚନା ପରେ ଗତ ୨୦ ତାରିଖରେ ବସ୍ ଧର୍ମଘଟକୁ ଅକ୍ଟୋବର ୩୧ ତାରିଖ ପର୍ଯ୍ୟନ୍ତ ସ୍ଥଗିତ ରଖିଥିଲା ସଙ୍ଘ । ଏହାସହ ପାର୍ବଣରେ ଧର୍ମଘଟ ଯୋଗୁଁ ସମସ୍ୟା ହୋଇଥିବାରୁ ଯାତ୍ରୀଙ୍କୁ କ୍ଷମା ମାଗିଥିଲା ଘରୋଇ ବସ୍ ମାଲିକ ସଙ୍ଘ ।