ବଢ଼ି ଚାଲିଛି ସୁନା ଦର, ଜାଣନ୍ତୁ ଭୁବନେଶ୍ବରରେ କ’ଣ ରହିଛି ଦାମ?

ଭୁବନେଶ୍ବର: ବଢ଼ି ଚାଲିଛି ସୁନା ଦର। ଶନିବାର ଭୁବନେଶ୍ବରରେ ୨୪ କ୍ୟାରେଟ ସୁନା ଗ୍ରାମ ପ୍ରତି ଦର ୬ ହଜାର ୪୪ ଟଙ୍କାରେ ପହଞ୍ଚିଛି । ସେହିପରି ୨୨ କ୍ୟାରେଟ ସୁନା ଗ୍ରାମ ପ୍ରତି ଦର ୫୦ ହଜାର ୫୪୦ ଟଙ୍କାରେ ପହଞ୍ଚିଛି । ଗତ ଶୁକ୍ରବାର ସୁନା ବଜାରରେ ସାମାନ୍ୟ ବୃଦ୍ଧି ଦେଖିବାକୁ ମିଳିଥିଲା । ଗତ ଶନିବାରଠାରୁ ସୁନା ଦର କ୍ରମାଗତ ଭାବେ ବଢିଚାଲିଛି । ୧୦ ଦିନ ପୂର୍ବରୁ ଭୁବନେଶ୍ବରରେ ୨୪ କ୍ୟାରେଟ ସୁନା ଗ୍ରାମ ପ୍ରତି ଦର ୫ ହଜାର ୮୨୫ ଟଙ୍କା ଥିଲା । ସେହିପରି ୨୨ କ୍ୟାରେଟ ସୁନା ଗ୍ରାମ ପ୍ରତି ଦର ୫ ହଜାର ୩୪୦ ଟଙ୍କା ଥିଲା । ଗତ ଅକ୍ଟୋବର ୫ ତାରିଖ ତୁଳନାରେ ୨୪ କ୍ୟାରେଟ ସୁନା ଗ୍ରାମ ପ୍ରତି ୩୨୮ ଟଙ୍କା ବୃଦ୍ଧି ପାଇଛି ।

ସେହିପରିୁ ୨୨ କ୍ୟାରେଟ ସୁନା ଗ୍ରାମ ପ୍ରତି ଦର ୩ ୦୦ ଟଙ୍କା ବୃଦ୍ଧି ପାଇଛି । ଗତ ଶନିବାର ଆରମ୍ଭ ହୋଇଥିଲା ଗାଜା ଇସ୍ରାଏଲ ଯୁଦ୍ଧ । ଯୁଦ୍ଧ ଆରମ୍ଭ ହେବା ପରଠାରୁ ସାରା ବିଶ୍ବର ଅର୍ଥନୀତି ପ୍ରଭାବିତ ହୋଇଛି । ବିଶ୍ବର ଅନେକ ପ୍ରମୁଖ ସେୟାର ମାର୍କେଟ୍ ସୂଚକାଙ୍କ ତଳକୁ ଖସିଛି । ଭାରତରେ ମଧ୍ୟ ଏହାର ପ୍ରଭାବ ପଡିଛି। ସେୟାର ବଜାରରେ ସେନସେକ୍ସ ଓ ନିଫଟି ସୂଚକାଙ୍କ ହ୍ରାସ ପାଇଛି ।ଆନ୍ତର୍ଜାତିକ ବଜାରରେ ଡଲାର ମୂଲ୍ୟ ବୃଦ୍ଧି ପାଉଥିବାରୁ ସାରା ବିଶ୍ବ ବଜାରରେ ସୁନାର ଦର ବଢ଼ିବାରେ ଲାଗିଛି ।ଇସ୍ରାଏଲ-ଗାଜା ଯୁଦ୍ଧ ପ୍ରଭାବରୁ ସୁନାଦର ବଢୁଥିବା କୁହାଯାଉଛି।