ଭାରତ-ଆୟରଲ୍ୟାଣ୍ଡ ପ୍ରଥମ ଟି-୨୦: ଟସ୍ ଜିତି ବୋଲିଂ ନିଷ୍ପତ୍ତି ନେଲା ଭାରତ, ଡେବ୍ୟୁ କରୁଛନ୍ତି ରିଙ୍କୁ ଏବଂ ପ୍ରସିଦ୍ଧ
1 min read
ଡବଲିନ: ଭାରତ ଏବଂ ଆୟରଲ୍ୟାଣ୍ଡ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜର ପ୍ରଥମ ମୁକାବିଲା ଡବଲିନରେ ଚାଲିଛି । ଉଭୟ ଦଳ ମ୍ୟାଚ୍ ଜିତି ସିରିଜରେ ବିଜୟୀ ଅଭିଯାନ ଆରମ୍ଭ କରିବାକୁ ଇଚ୍ଛା ରଖିଛନ୍ତି । ତେବେ ମ୍ୟାଚ୍ ପୂର୍ବରୁ ଭାରତ ଆଜି ଟସ୍ ଜିତି ବୋଲିଂ ନିଷ୍ପତ୍ତି ନେଇଛି । ସେହିପରି ଆହ୍ୱାନ କ୍ରମେ ବ୍ୟାଟିଂ କରିବ ଆୟରଲ୍ୟାଣ୍ଡ ଦଳ । ଯୁବ ଖେଳାଳିଙ୍କୁ ନେଇ ଆଜିର ମ୍ୟାଚ୍ ଖେଳିବ ଟିମ୍ ଇଣ୍ଡିଆ । ବୁମରାହ ଏବଂ ସାମସନଙ୍କୁ ଛାଡ଼ିଦେଲେ ଅଧିକତର ଯୁବା ଖେଳାଳି ମ୍ୟାଚରେ ଖେଳୁଛନ୍ତି । ଦଳର ନେତୃତ୍ୱ ନେଉଛନ୍ତି ଆଘାତ କାରଣରୁ ଦୀର୍ଘଦିନ ଦଳରୁ ବାଦ୍ ପଡ଼ିଥିବା ଦ୍ରୁତତମ ବୋଲର ଜଶପ୍ରୀତ ବୁମରାହ । ଆଜିର ମ୍ୟାଚରେ ରିଙ୍କୁ ସିଂ ଏବଂ ପ୍ରସିଦ୍ଧ କୃଷ୍ଣା ଡେବ୍ୟୁ କରୁଛନ୍ତି । ଯେହେତୁ ଆଜି ଦୁଇଜଣଙ୍କ ଡେବ୍ୟୁ ମ୍ୟାଚ୍ ତାଙ୍କର ପରଫର୍ମାନ୍ସ ଉପରେ ସମସ୍ତଙ୍କ ନଜର ରହିବ ।
ଭାରତୀୟ ଦଳ: ଋତୁରାଜ ଗାୟକୱାଡ, ୟଶସ୍ୱୀ ଜୟସୱାଲ, ସଞ୍ଜୁ ସାମସନ (ୱିକେଟକିପର), ତିଲକ ବର୍ମା, ରିଙ୍କୁ ସିଂ, ଶିଭମ ଦୁବେ, ୱାଶିଂଟନ ସୁନ୍ଦର, ପ୍ରସିଦ୍ଧ କୃଷ୍ଣା, ଅର୍ଶଦୀପ ସିଂହ, ଜଶପ୍ରୀତ ବୁମରାହ (ଅଧିନାୟକ), ରବି ବିଷ୍ଣୋଇ ।
ଆୟରଲ୍ୟାଣ୍ଡ: ପଲ ଷ୍ଟର୍ଲିଂ (ଅଧିନାୟକ), ଆଣ୍ଡ୍ରିୟୁ ବାଲବର୍ଣ୍ଣି, ଲୋର୍କନ ଟକର (ୱିକେଟକିପର), ହାରି ଟେକ୍ଟର, କର୍ଟିସ କ୍ୟାମ୍ପର, ଜର୍ଜ ଡାକରେଲ, ମାର୍କ ଅଡାୟର, ବେରି ମାକ୍କାର୍ଥୀ, କ୍ରେଗ ୟଙ୍ଗ, ଜୋଶୁଆ ଲିଟିଲ, ବେଞ୍ଜାମିନ ହ୍ୱାଇଟ ।
