ଭିନ୍ନକ୍ଷମଙ୍କୁ କୃତ୍ରିମ ଅଙ୍ଗ ଯୋଗାଇଲା ଓଡ଼ିଶା ମୋ ପରିବାର

ଭୁବନେଶ୍ୱର: ଭିନ୍ନକ୍ଷମଙ୍କୁ କୃତ୍ରିମ ଅଙ୍ଗ ଯୋଗାଇଲା ଓଡ଼ିଶା ମୋ ପରିବାର । ବିଭିନ୍ନ ଦୁର୍ଘଟଣାରେ ନିଜର ଅଙ୍ଗ ହରାଇଥିବା ତିନି ଜଣ ଭିନକ୍ଷମଙ୍କୁ କୂତ୍ରିମ ଅଙ୍ଗ ଯୋଗାଇ ଦିଆଯାଇଛି । ୨୦୨୧ ମସିହାରେ ଭୁବନେଶ୍ବରର ଜଣେ ୧୩ ବର୍ଷର ବାଳକ କୃଷ୍ଣ ମୁଣ୍ଡା ଗଛରୁ ଖସିପଡି ଗୋଡ ହରାଇଥିଲେ ସେହିପରି, ଅନ୍ୟ ଦୁଇ ଜଣ ବ୍ୟକ୍ତି ପୁରୀ ଜିଲ୍ଲାର ପ୍ରତାପ ସାହୁ ଏବଂ ବାଲେଶ୍ବର ଜିଲ୍ଲାର ପ୍ରଫୁଲ୍ଲ କୁମାର ଶଙ୍ଖୁଆ ଦୁର୍ଘଟଣାରେ ଆହତ ହୋଇଥିଲେ । ଯେଉଁଠାରେ ଉଭୟଙ୍କର ଗୋଡରେ ଗଭୀର ଆଘାତ ଲାଗିବାରୁ  ଆଣ୍ଠୁ ତଳକୁ କଟା ଯାଇଥିଲା ।

ଏହି ତିନି ଜଣଙ୍କର କରୁଣ କାହାଣୀ ସମ୍ପର୍କରେ ଖବର ପାଇବା ପରେ ଓଡ଼ିଶା ମୋ ପରିବାର ପକ୍ଷରୁ ତୁରନ୍ତ ପଦକ୍ଷେପ ନିଆଯାଇ କ୍ୟାପିଟାଲ ହସ୍ପିଟାଲ ପରିସରଭୁକ୍ତ ଏ.ଆର.ସି ସହିତ ସମନ୍ଵୟ ରକ୍ଷା କରି ସେମାନଙ୍କୁ ଆଜି କୃତ୍ରିମ ଅଙ୍ଗ ଯୋଗାଇ ଦିଆଯାଇଛି । କୃତ୍ରିମ ଅଙ୍ଗ ଲାଗିବା ସମୟରେ ଓଡ଼ିଶା ମୋ ପରିବାର ଆବାହକଙ୍କ ସମେତ ବିଜେଡି ଯୁଗ୍ମ ସମ୍ପାଦକ ରୁଦ୍ର ନାରାୟଣ ସାମନ୍ତରାୟ, ସ୍ବାସ୍ଥ୍ୟ ଉପଦେଷ୍ଟା ସତ୍ୟଜିତ ଦାଶ ଏବଂ ଓଡ଼ିଶା ମୋ ପରିବାରର ସଦସ୍ୟମାନେ ଉପସ୍ଥିତ ଥିଲେ ।ଏନେଇ ତିନି ଜଣ ମୁଖ୍ୟମନ୍ତ୍ରୀଙ୍କୁ ଓ ଓଡ଼ିଶା ମୋ ପରିବାରକୁ ଧନ୍ୟବାଦ ଜଣାଇଛନ୍ତି ।