ରେକର୍ଡ ଭାଙ୍ଗିଲା ତାତି; ସମ୍ବଲପୁରରେ ସର୍ବାଧିକ ୪୬ ଡିଗ୍ରୀ ତାପମାତ୍ରା ରେକର୍ଡ

ଭୁବନେଶ୍ୱର: ରାଜ୍ୟରେ ରେକର୍ଡ ଭାଙ୍ଗିଲା ତାତି । ଚଳିତବର୍ଷ ପ୍ରଥମ ଥର ପାଇଁ ୪୬ ଡିଗ୍ରୀ ଛୁଇଁଛି ତାପମାତ୍ରା । ସମ୍ବଲପୁରରେ ସର୍ବାଧିକ ୪୬ ଡିଗ୍ରୀ ତାତି ରେକର୍ଡ ହୋଇଛି । ସେହିପରି ସୋନପୁର ୪୫.୮ଡିଗ୍ରୀ ତାତି ରେକର୍ଡ ହୋଇଥିବାବେଳେ ବୌଦ୍ଧ ଓ ହୀରାକୁଦରେ ୪୫.୫ ଡିଗ୍ରୀ ଲେଖାଏ ତାତି ରେକର୍ଡ ହୋଇଛି । ଝାରସୁଗୁଡ଼ା ୪୫.୨ ଡିଗ୍ରୀ ତାପମାତ୍ରା ରହିଥିବାବେଳେ ସୁନ୍ଦରଗଡ଼ ଓ ବଲାଙ୍ଗୀରରେ ୪୫ ଡିଗ୍ରୀ ତାତି ରେକର୍ଡ ହୋଇଛି । ସେହିପରି ରାଜଧାନୀରେ ଗତକାଲି ଅପେକ୍ଷା ଆଜି ତାପମାତ୍ରା ସାମାନ୍ୟ ହ୍ରାସ ପାଇଛି । ଭୁବନେଶ୍ବରରେ ୪୧.୬ ଡିଗ୍ରୀ ତାତି ରେକର୍ଡ ହୋଇଛି ।