ସମ୍ବଲପୁର ଚନ୍ଦନିମାଲ ଓ ବଡ଼ବାହାଲ ଜଙ୍ଗଲରେ ନିଜ ଗୁଳିରେ ଶିକାରୀ ମୃତ

ସମ୍ବଲପୁର: ନିଜ ବନ୍ଧୁକରେ ନିଜକୁ ଗୁଳି । ଗୁଳି ଫୁଟି ଶିକାରୀ ମୃତ । ସମ୍ବଲପୁର ଜିଲ୍ଲା କତରାବଗାଁ ଥାନା ଚନ୍ଦନିମାଲ ଓ ବଡ଼ବାହାଲ ଜଙ୍ଗଲ ମଝିର ଘଟଣା । ମୃତକ ହେଲେ ବଡ଼ବାହାଳ ଗାଁର କୁମର ଛତ୍ରିଆ । କୁମରଙ୍କ ସମେତ ୭ ଜଣ ବାରହା ଶିକାର ପାଇଁ ଜଙ୍ଗଲକୁ ଯାଇଥିଲେ । ହଠାତ ବାଇକ ଶବ୍ଦ ଶୁଣି ଘଟଣାସ୍ଥଳରୁ ସମସ୍ତେ ଫେରାର ହେବାକୁ ଉଦ୍ୟମ କରୁଥିଲେ । ଏହି ସମୟରେ କୁମରଙ୍କ ବନ୍ଧୁକରୁ ଗୁଳିଫୁଟି ନିଜ ଦେହରେ ବାଜିଥିଲା । ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିବାବେଳେ ପୋଲିସ ମୃତଦେହ ଉଦ୍ଧାର କରିଛି । ଘଟଣାସ୍ଥଳରୁ ଦୁଇ ବନ୍ଧୁକ ଜବତ କରିବା ସହ ୬ ଜଣଙ୍କୁ ଅଟକ ରଖି ତଦନ୍ତ କରୁଛି ପୋଲିସ ।