ମଲ୍ରେ ଆଖିବୁଜା ଗୁଳିକାଣ୍ଡ ଘଟି ୮ ମୃତ, ମୃତକଙ୍କ ମଧ୍ୟରେ ଅଧିକାଂଶ ଶିଶୁ
ଟେକ୍ସାସ: ମଲ୍ରେ ଗୁଳିକାଣ୍ଡ ଘଟି ୮ ଜଣ ପ୍ରାଣ ହରାଇଛନ୍ତି । ଆମେରିକାରେ ପୁଣିଥରେ ଫୁଟିଲା ଗୁଳି । ଟେକ୍ସାସର ଏକ ମଲରେ ଆଖିବୁଜା ଫାୟାରିଂରେ ୮ଜଣଙ୍କର ମୃତ୍ୟୁ ହୋଇଥିବା ବେଳେ ୭ଜଣ ଗୁରୁତର ହୋଇଛନ୍ତି । ଗୁରୁତରଙ୍କ ମଧ୍ୟରେ ୫ବର୍ଷରୁ କମ୍ ବୟସରେ ୪ରୁ ୫ଜଣ ଶିଶୁ ରହିଛନ୍ତି । ସମସ୍ତ ଗୁରୁତରଙ୍କୁ ଆଲେନ୍ ଫାୟାର ଡିପାର୍ଟମେଣ୍ଟ ପକ୍ଷରୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି ।
ପୋଲିସ ଗୁଳିରେ ଜଣେ ସନ୍ଦିଗ୍ଧର ମୃତ୍ୟୁ ହୋଇଥିବା ସନ୍ଦେହ କରାଯାଉଥିବା ବେଳେ ଅନ୍ୟ ଜଣେ ସନ୍ଦିଗ୍ଧକୁ ଖୋଜୁଛି ପୋଲିସ । ସାଧାରଣ ଲୋକଙ୍କୁ ମଲ୍ ପାଖାପାଖି ଯିବାକୁ ବାରଣ କରାଯାଇଛି । ସ୍ଥାନୀୟ ଗଭର୍ଣ୍ଣର ଏ ନେଇ ଶୋକବ୍ୟକ୍ତ କରିଥିବା ବେଳେ ରାଷ୍ଟ୍ରପତି ଜୋ ବାଇଡେନ ଘଟଣା ସମ୍ପର୍କରେ ବିସ୍ତୃତ ରିପୋର୍ଟ ମାଗିଛନ୍ତି ।
ସୋସିଆଲ ମିଡିଆରେ ଗୁଳିକାଣ୍ଡ ବେଳର ଭିଡିଓ ମଧ୍ୟ ଭାଇରାଲ ହେଉଛି । ସନ୍ଦିଗ୍ଧ ଯୁବକ ମଲର ପାର୍କିଂରୁ ବାହାରେ ଆଖିବୁଜା ଗୁଳି ଚଳାଉଥିବା ଦେଖାଯାଇଛି ।
