ବ୍ୟାଙ୍କ ଋଣ ଖିଲାପ ଅଭିଯୋଗରେ ଆକ୍ସନ, ଖୋର୍ଦ୍ଧା ଜିଲ୍ଲା ବିଜେପି ସଭାପତିଙ୍କ ହୋଟେଲ ସିଲ୍

ଖୋର୍ଦ୍ଧା: ବ୍ୟାଙ୍କ ଋଣ ଖିଲାପ ଅଭିଯୋଗ । ସିଲ୍ ହୋଇଛି ଖୋର୍ଦ୍ଧା ଜିଲ୍ଲା ବିଜେପି ସଭାପତି ରଶ୍ମିରଂଜନ ମହାପାତ୍ରଙ୍କ ସୂର୍ଯ୍ୟମୁଖୀ ହୋଟେଲ । ସେ ପଞ୍ଜାବ ନ୍ୟାସନାଲ ବ୍ୟାଙ୍କରୁ ଋଣ ଆଣିଥିଲେ । ମୂଳଧନ ସୁଧ ମିଶି ପ୍ରାୟ ୫ କୋଟି ଟଙ୍କାରୁ ଅଧିକ ହେବ । ବାରମ୍ବାର ଋଣ ସୁଝିବାକୁ ବ୍ୟାଙ୍କ କର୍ତ୍ତୃପକ୍ଷ ନୋଟିସ୍ ପଠାଇ ବିଫଳ ହେବା ପରେ ଆଜି ହୋଟେଲକୁ ସିଲ୍ କରାଯାଇଛି । ଖୋର୍ଦ୍ଧା ଡେପୁଟି କଲେକ୍ଟର ଶରତ ଚନ୍ଦ୍ର ଦେହୁରୀଙ୍କ ଉପସ୍ଥିତିରେ ହୋଟେଲକୁ ସିଲ୍ କରାଯାଇଛି । ଖୋର୍ଦ୍ଧା ଥାନାର ୨ ଜଣ ଆଇଆଇସି ଓ ପୋଲିସ ଫୋର୍ସ ଉପସ୍ଥିତ ଅଛନ୍ତି । ବ୍ୟାଙ୍କ ତରଫରୁ ୧୦ ଜଣିଆ ଟିମ୍ ଏହି କାର୍ଯ୍ୟରେ ଅଛନ୍ତି ।

ତେବେ ଏହି ସୂର୍ଯ୍ୟମୁଖୀ ହୋଟେଲ ଭିତରେ ବିପୁଳ ପରିମାଣରେ ବିଜେପି ବ୍ୟାନର ଜବତ ହୋଇଛି । ଏହି ହୋଟେଲ ଭିତରେ ଏକ ମଦ ବାର ମଧ୍ୟ ଚାଲିଥିଲା ବୋଲି ଜଣାପଡ଼ିଛି ।