ମାନହାନି ମାମଲାରେ ଉପରକୋର୍ଟ ଯିବେ ରାହୁଲ, ଆସନ୍ତାକାଲି ସୁରଟ ସେସନ୍ସ କୋର୍ଟରେ କରିପାରନ୍ତି ଅପିଲ

ନୂଆଦିଲ୍ଲୀ: ମାନହାନି ମାମଲାରେ ଉପରକୋର୍ଟ ଯିବେ ରାହୁଲ ଗାନ୍ଧୀ । ଆସନ୍ତାକାଲି ସୁରଟ ସେସନ୍ସ କୋର୍ଟରେ ରାହୁଲ ପିଟିସନ ଦାଏର କରିବେ । ଲିଗାଲ ଟିମ୍ ସହ ରାହୁଲ ନିଜେ ସୁରଟ ଯାଇ ପିଟିସନ ଦାଏର କରିବେ ବୋଲି ସୂଚନା ମିଳିଛି । ୨୦୧୯ରେ କର୍ଣ୍ଣାଟକରେ ରାହୁଲ ଗାନ୍ଧୀ ମୋଦି ସରନେମକୁ ନେଇ ଦେଇଥିବା ଭାଷଣରେ ସୁରଟ ସିଜେଏମ କୋର୍ଟ ତାଙ୍କୁ ଦୋଷୀ ସାବ୍ୟସ୍ତ କରିଥିଲେ । ମାମଲାରେ କୋର୍ଟ ରାହୁଲଙ୍କୁ ଦୁଇ ବର୍ଷ ଜେଲ ଦଣ୍ଡ ଶୁଣାଇବାର ୨୪ ଘଣ୍ଟା ମଧ୍ୟରେ ତାଙ୍କର ଲୋକସଭା ସଦସ୍ୟତା ରଦ୍ଦ ହୋଇଥିଲା । ଏବେ ସିଜେଏମ କୋର୍ଟଙ୍କ ରାୟକୁ ଚ୍ୟାଲେଞ୍ଜ କରି ରାହୁଲ ସୁରଟ ସେସନ କୋର୍ଟରେ ପିଟିସନ ଦାଏର କରିବେ ବୋଲି ସୂଚନା ମିଳିଛି ।