ଧନକଡଙ୍କୁ ଆଙ୍ଗୁଠି ଦେଖାଇ ଅକଳରେ ଜୟା, ଟ୍ୱିଟରରେ ପ୍ରତିକ୍ରିୟା…

ନୂଆଦିଲ୍ଲୀ: ରାଜ୍ୟସଭାରେ ସାଂସଜ  ଜୟା ବଚ୍ଚନକୁ ନେଇ ଏବେ ଚର୍ଚ୍ଚା  । ଜଣେ ପ୍ରତିଷ୍ଠିତ ମହିଳା ଭଦ୍ରାମୀ ଶିଖିନଥିବା ଆଲୋଚନା ହେଉଛି  । ଏମିତିକି ସାଥି ସାଂସଦ ଜୟାଙ୍କ ଆଚରଣରେ କ୍ଷୁବ୍ଧ  । କାରଣ ଗୃହର ମୁଖ୍ୟ ତଥା ଉପରାଷ୍ଟ୍ରପତି ଜଗଦୀପ ଧନକଡ଼ଙ୍କୁ ଜୟା ଖରାପ ବ୍ୟବହାର ପ୍ରଦର୍ଶନ କରିଛନ୍ତି  । ରାଜ୍ୟସଭା ଅଧ୍ୟକ୍ଷ ଜଗଦୀପ ଧନକଡ଼ ଆସନରେ ବସିବାକୁ ଯାଉଥିବାବେଳେ ଜୟା ବଚ୍ଚନ ତାଙ୍କୁ ଆଙ୍ଗୁଠି ଦେଖାଇ କଥା ହେଉଥିବା ଦେଖିବାକୁ ମିଳିଛି  । ଯାହାକୁ ନେଇ ଏବେ ରାଜ୍ୟସଭାରେ ଝଡ଼ ସୃଷ୍ଟି ହୋଇଛି  । ଏମିତିକି ବିରୋଧି ସାଂସଦ କହୁଛନ୍ତି, ଯେମିତି ସଂସ୍କାର- ସେମିତି ଦଳ  ।

ଭାଇରାଲ ହେଉଥିବା ଭିଡିଓଟି ବଜେଟ ବେଳର ବୋଲି କହାଯାଉଛି  । ନିକଟରେ ସଂସଦରେ ହଙ୍ଗାମା କରିବା ଏବଂ ଗୃହକାର୍ଯ୍ୟକୁ ରେକଡିଂ କରିବା ଅଭିଯୋଗରେ କଂଗ୍ରେସ ସାଂସଦଙ୍କୁ ବହୁମୂଲ୍ୟ ଦେବାକୁ ପଡ଼ିଥିଲା  । ଅଧ୍ୟକ୍ଷ କଂଗ୍ରେସ ସାଂସଦ ରଜନୀ ପଟେଲଙ୍କୁ ନିଲମ୍ବିତ କରିଥିଲେ  । ବର୍ତ୍ତମାନ ସମାଜବାଦୀ ପାର୍ଟ୍ଟି ସାଂସଦ ଜୟାଙ୍କ ଆଚରଣକୁ ନେଇ କଂଗ୍ରେସ କାଠଗଡ଼ାକୁ ଟାଣିଛି  । ଜୟାଙ୍କ ବିରୋଧରେ ଅଧ୍ୟକ୍ଷ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି  ।

ସେପଟେ ସଫେଇ ଦେଇ ସମାଜବାଦୀ ପାର୍ଟି କହିଛି, ରାଜ୍ୟସଭା ଅଧ୍ୟକ୍ଷ କହିବାକୁ ସୁଯୋଗ ନଦେଇଥିବାରୁ ଜୟା ବଚ୍ଚନ ଆଙ୍ଗୁଠି ଦେଖାଇଛନ୍ତି  । କିନ୍ତୁ ଜୟାଙ୍କୁ ନେଇ ଏବେ ଟ୍ୱିଟରରେ ଝଡ ଦେଖିବାକୁ ମିଳିଛି  । ଛତିଶଗଡ଼ ବିଳାଶପୁରର ସଂସଦୀୟ କ୍ଷେତ୍ରର ସାଂସଦ ଅରୁଣ ସାବ ଲେଖିଛନ୍ତି, ଜୟା ବଚ୍ଚନ ରଙ୍ଗମଞ୍ଚ ଏବଂ ଗଣତନ୍ତ୍ରର ସର୍ବୋଚ୍ଚ ମଞ୍ଚ ଭିତରେ ପାର୍ଥକ୍ୟ ଜାଣନ୍ତୁ  । ଯୁବପିଢୀ ଆପଣଙ୍କୁ ଅନୁସରଣ କରୁଛନ୍ତି ବୋଲି ଆକ୍ଷେପ କରିଛନ୍ତି ବିଳାଶପୁର ସାଂସଦ  । ସେହିପରି ରାଜସ୍ଥାନର ଜଣେ ସାଂସଦ କହିଛନ୍ତି  । ଅହଂକାରର ଚରମ ସୀମାରେ ଜୟା ବଚ୍ଚନ  । ସେଥିପାଇଁ ରାଜ୍ୟସଭାରେ ଦେଶର ଉପ-ରାଷ୍ରପତିଙ୍କୁ ଅସମ୍ମାନୀତ କରିବାକୁ ପଛାଉ ନାହାଁନ୍ତି  । ଗଣତନ୍ତ୍ରର ମନ୍ଦିରକୁ ଏଭଳି ଲୋକ କେମିତି ଆସୁଛନ୍ତି ବୋଲି ଟ୍ୱିଟରରେ ଲେଖିଛନ୍ତି ଲକ୍ଷ୍ମୀକାନ୍ତ ଭରଦ୍ୱାଜ  ।