୨୦୨୩-୨୪ ଆର୍ଥିକ ବର୍ଷ ଲାଗି ମୋଟ ବଜେଟ ପରିମାଣ ୪୫ ଲକ୍ଷ କୋଟି

ନନ୍ଦିଘୋଷ ବ୍ୟୁରୋ: ୨୦୨୩-୨୪ ଆର୍ଥିକ ବର୍ଷ ଲାଗି ମୋଟ ବଜେଟ ପରିମାଣ ହୋଇଛି ୪୫ ଲକ୍ଷ କୋଟି ଟଙ୍କା । ଋଣ ବ୍ୟତୀତ ଆୟ ପରିମାଣ ରହିଛି ୨୭ ଦଶମିକ ୨ ଲକ୍ଷ କୋଟି ଟଙ୍କା । ମୋଟ କର ବାବଦ ଆୟ ପରିମାଣ ରହିଛି ୨୩ ଦଶମିକ ୩ ଲକ୍ଷ କୋଟି ଟଙ୍କା । ୨୦୨୩-୨୪ ଲାଗି ରାଜସ୍ବ ନିଅଣ୍ଟ ପରିମାଣ ରହିଛି ଜିଡିପିର ୫ ଦଶମିକ ୯ ପ୍ରତିଶତ । ମୋଟ ପୁଞ୍ଜିନିବେଶ ପରିମାଣ ୩୩ ପ୍ରତିଶତ ଅର୍ଥାତ୧୦ ଲକ୍ଷ କୋଟି ଟଙ୍କାକୁ ବୃଦ୍ଧି କରାଯାଇଛି ।

ଜିଡିପିର ଏହି ପରିମାଣ ହେଉଛି ୪ ଦଶମିକ ୫ ପ୍ରତିଶତ । ୨୦୨୨-୨୩ରେ ରିୟଲ ଜିଡିପି ଅଭିବୃଦ୍ଧି ଲକ୍ଷ୍ୟରହିଛି ୭ ପ୍ରତିଶତ । ଏହା ସହ ରାଜସ୍ବ ବର୍ଷ ୨୦୨୩ରେ ରପ୍ତାନି ଅଭିବୃଦ୍ଧି ଲକ୍ଷ୍ୟ ହାର ରହିଛି ୧୨ ଦଶମିକ ୫ ପ୍ରତିଶତ । ଗତ ୯ ବର୍ଷ ମଧ୍ୟରେ ମୁଣ୍ଡପିଛା ଆୟ ଦୁଇଗୁଣ ଅର୍ଥାତ ୧ ଲକ୍ଷ ୯୭ହଜାର କୋଟି ଟଙ୍କା ହୋଇଛି ବୋଲି କହିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ।

ପରିବହନ ଲାଗି ୫,୧୭, ୦୩୪ କୋଟି ଟଙ୍କା, ପ୍ରତିରକ୍ଷା ଲାଗି ୪,୩୨, ୭୨୦ କୋଟି, ରେଳବାଇ ଲାଗି ୨ ଲକ୍ଷ ୪୦ ହଜାର କୋଟି, ଗ୍ରାମୀଣ ବିକାଶ ଲାଗି ୨,୩୮,୨୦୪ କୋଟି, ଶିକ୍ଷା ଲାଗି ୧,୧୨,୮୯୯ କୋଟି, କୃଷି ଲାଗି ୮୪,୨୧୪ କୋଟି, ନଗର ଉନ୍ନୟନ ଲାଗି ୭୬,୪୩୨ କୋଟି, ବାଣିଜ୍ୟ ଓ ଶିଳ୍ପ ଲାଗି ୪୮, ୧୬୯ କୋଟି, ସ୍ବାସ୍ଥ୍ୟ ଲାଗି ୮୮, ୯୬୮ କୋଟି, ଆଇଟି ଓ ଟେଲିକମ ଲାଗି ୯୩, ୪୭୮ କୋଟି ଟଙ୍କାର ବ୍ୟୟବରାଦ ହୋଇଛି ।