ବିଏସକେୱାଇ ଜାଲିଆତି ଅଭିଯୋଗରେ ପଣ୍ଡା ନର୍ସିଂହୋମର ଲାଇସେନ୍ସ ରଦ୍ଦ

କଟକ: କଟକ ସାଉଥ ପଏଣ୍ଟ ପରେ ଆଠଗଡ଼ର ପଣ୍ଡା ନର୍ସିଂହୋମ । BSKY ଜାଲିଆତି ଅଭିଯୋଗରେ ଲାଇସେନ୍ସ ବାତିଲ କଲା ରାଜ୍ୟ ସ୍ବାସ୍ଥ୍ୟ ବିଭାଗ । ଜିଲ୍ଲା ସ୍ୱାସ୍ଥ୍ୟ ବିଭାଗ BSKY ୟୁନିଟ ପକ୍ଷରୁ କାରଣ ଦର୍ଶାଅ ନୋଟିସ ଜାରି କରାଯାଇଥିଲା । ଗତ 2ତାରିଖ ରେ ନର୍ସିଙ୍ଗ ହୋମ ପକ୍ଷରୁ ଦିଆଯାଇଥିବା ଉତ୍ତର ସନ୍ତୋଷଜନକ ନହେବାରୁ 11 ତାରିଖରେ ଲାଇସେନ୍ସ ରଦ୍ଦ କରି ଦିଆଯାଇଛି ।

ରୋଗୀଙ୍କ ଜାଲ ରେଫରାଲ ଦେଇ ବିଏସକେୱାଇ ବିଲ କରୁଥିଲା ଆଠଗଡର ପଣ୍ଡା ନର୍ସିଂହୋମ । କଟକ ଜିଲ୍ଲା ସ୍ୱାସ୍ଥ ବିଭାଗ ପକ୍ଷରୁ ମୋ ସରକାର ଆଧାରରେ ଏପର୍ଯ୍ୟନ୍ତ 15ରୁ 20ହସ୍ପିଟାଲକୁ କାରଣ ଦର୍ଶାଓ ନୋଟିସ ହୋଇଛି । ସେମାନଙ୍କ ମଧ୍ୟରୁ 90 ପ୍ରତିଶତ ଉତ୍ତର ହସ୍ତଗତ ହୋଇଛି । ଯାହାକୁ ରାଜ୍ୟ ବିଏସକେୱାଇ କାର୍ଯ୍ୟାଳୟକୁ ପଠାଇ ଦିଆଯାଇଛି । ତେବେ ପଣ୍ଡା ନର୍ସିଂହୋମର କ୍ଲିନିକାଲ ଏଷ୍ଟାବ୍ଲିସମେଣ୍ଟ ଲାଇସେନ୍ସ ରଦ୍ଦ ପାଇଁ ମଧ୍ୟ ପକ୍ରିୟା ଆରମ୍ଭ ହୋଇଥିବା ଜଣାପଡିଛି ।