ଢେଙ୍କାନାଳ: ଅନିଶ୍ଚିତତା ଭିତରେ ଯୋରନ୍ଦା ମାଘମେଳା। ମେଳା ପ୍ରସ୍ତୁତିକୁ ନେଇ ଉଭୟ କୌପୀନଧାରୀ ଓ ବକଳଧାରୀ ସାଧୂଙ୍କୁ ନେଇ ବସିଥିବା ଗୁରୁତ୍ୱପୂର୍ଣ୍ଣ ବୈଠକରେ ବହାରିଲାନି ନିଷ୍କର୍ସ ।
ଜିଲ୍ଲାପାଳଙ୍କ ଅଧ୍ୟକ୍ଷତାରେ ବସିଥିବା ଏହି ବୈଠକରେ କୌପୀନଧାରୀ ମହିମା ସାଧୁଙ୍କ ପକ୍ଷରୁ ତୃତୀୟ ବେଢା ଉଛେଦ ପ୍ରସଙ୍ଗ ଉଠାଯାଇଥିଲା । ସେମାନଙ୍କୁ ଥଇଥାନ ପାଇଁ ଜିଲ୍ଲା ପ୍ରଶାସନ ପକ୍ଷରୁ ସ୍ଥାନ ଚିହ୍ନଟ କରାଯାଇ ଉପାସନା ପୀଠ ପୁନଃ ନିର୍ମାଣ ପ୍ରତିଶ୍ରୁତି ଦିଆ ଯାଇଥିଲା। କିନ୍ତୁ ବକଳଧାରୀ ମହିମା ସମାଜ ଆୟତରେ ଥିବା ଗାଦୀ ମନ୍ଦିର କିମ୍ବା ଶୂନ୍ୟ ମନ୍ଦିର ମଧ୍ୟରୁ ଯେ କୌଣସି ଏକ ମନ୍ଦିର କୌପିନଧାରୀ ସାଧୁଙ୍କୁ ପ୍ରଦାନ ପାଇଁ କୌଣସି ନିଷ୍କର୍ସ ବାହାରି ପାରିନଥିଲା ।
ଯାହାକୁ ନେଇ ଏବେ ବି କ୍ଷୁବ୍ଧ ଅଛନ୍ତି କୌପୀନଧାରୀ ମହିମା ସମାଜ ସନ୍ନ୍ୟାସୀ। ମାଘ ମେଳା ପୂର୍ବରୁ ଏଥିପ୍ରତି ଜିଲ୍ଲା ପ୍ରଶାସନ ପଦକ୍ଷେପ ନେବାକୁ ଦାବି ହୋଇଛି। ନଚେତ ମାଘ ମେଳାକୁ କୌଣସି ପ୍ରକାର ସହଯୋଗ କରାଯିବନି ବୋଲି ସିଧା ସିଧା ଶୁଣାଇ ଦେଇଛନ୍ତି କୌପୀନଧାରୀ ମହିମା ସମାଜ ମୁଖ୍ୟ ବାବା ରଘୁନାଥ ଦାସ ।
