ଆମେରିକାର ଆର୍ ବୋନି ଗାବରିଏଲଙ୍କୁ ମିସ୍ ୟୁନିଭର୍ସ ମୁକୁଟ
1 min read
ଲୋଇସିଆନା: ଆମେରିକାର ଆର୍ ବୋନି ଗାବରିଏଲ ଜିତିଲେ ମିସ୍ ୟୁନିଭର୍ସ-୨୦୨୨ ଟାଇଟଲ । ଆମେରିକାର ଲୋଇସିଆନାଠାରେ ଆୟୋଜିତ ସ୍ବତନ୍ତ୍ର ସମାରୋହରେ ମିସ୍ ୟୁନିଭର୍ସ ମୁକୁଟ ପିନ୍ଧିଛନ୍ତି ଗାବରିଏଲ । ଗାବରିଏଲ ଜଣେ ପ୍ରତିଷ୍ଠିତ ଫ୍ୟାଶନ ଡିଜାଇନର, ମଡେଲ । ୟୁନିଭର୍ସିଟି ଅଫ ନର୍ଥ ଟେକ୍ସାସରୁ ସେ ଫ୍ୟାଶନ ଡିଜାଇନରେ ବ୍ୟାଚଲର ଡିଗ୍ରୀ ହାସ କରିଛନ୍ତି ।
ଗାବରିଏଲ ତାଙ୍କ ନିଜସ୍ବ ବ୍ରାଣ୍ଡ ଆର ବୋନି ନୋଲାର ସିଇଓ ଅଛନ୍ତି । ଗାବରିଏଲଙ୍କୁ ମିସ୍ ୟୁନିଭର୍ସ ମୁକୁଟ ପିନ୍ଧାଇଛନ୍ତି ୨୦୨୦ ମିସ୍ ୟୁନିର୍ଭସ ଟାଇଟେଲ ବିଜୟିନୀ ହରନାଜ ସନ୍ଧୁ । ମିସ୍ ଭେନଜୁଏଲା ପ୍ରଥମ ରନର୍ସଅପ ହୋଇଥିବା ବେଳେ ମିସ୍ ଡୋମିନିକାନ ରିପବ୍ଲିକ ଦ୍ବିତୀୟ ରନର୍ସ ଅପ ଟାଇଟେଲ ଜିତିଛନ୍ତି । ଚଳିତବର୍ଷ ମିସ୍ ୟୁନିଭର୍ସ ପ୍ରତିଯୋଗିତାରେ ୮୪ ଦେଶର ପ୍ରତିଯୋଗୀ ସାମିଲ ହୋଇଥିଲେ । ଭାରତ ପକ୍ଷରୁ ପ୍ରତିନିଧିତ୍ବ କରୁଥିବା ଦିବିତା ରୟ ଟପ୍ ୧୬ରେ ରହିଥିଲେ ବି ଟପ୍ ୫ରୁ ବାହାର ହୋଇଯାଇଥିଲେ ।
