ଚାକରାଣୀ ସହ ଗଢ଼ି ଉଠିଲା ପ୍ରେମ ସମ୍ପର୍କ, ବଳିପଡ଼ିଲା ଶିଶୁ

ବାଲେଶ୍ୱର: ପରକୀୟା ପ୍ରୀତିର କରୁଣ ପରିଣତି । ଚାକରାଣୀ ସହ ଗଢ଼ି ଉଠିଲା ପ୍ରେମ ସମ୍ପର୍କ । ଉଭୟଙ୍କ ମଝିରେ କଣ୍ଟା ସାଜିଥିବା ଚାକରାଣିର ୨ ବର୍ଷର ଝିଅକୁ ହତ୍ୟାକଲା ପ୍ରେମିକ । ବାଲେଶ୍ବର ଜିଲ୍ଲା ଖନ୍ତାପଡା ଥାନା ଭୁଇଁପଡାରେ ଘଟିଛି ଏଭଳି ଘଟଣା । ମନୋଜ ନାମକ ଜଣେ ଯୁବକ ବାଲେଶ୍ବର ଅଞ୍ଚଳର ଜଣେ ମହିଳାଙ୍କୁ ଲେବର ଭାବରେ କାମ କରିବାକୁ ଡାକିଥିଲେ । ପରେ ସେମାନଙ୍କ ଭିତରେ ପ୍ରେମ ସମ୍ପର୍କ ଗଢି଼ଉଠିଥିଲା ।

ମହିଳାଙ୍କ ସହ ସମ୍ପର୍କ ଗଢ଼ିଉଠିବା ପରେ ଦୁଇ ବର୍ଷୀୟ ଶିଶୁକୁ ରାସ୍ତାରୁ ହଟାଇବା ପାଇଁ ଯୋଜନା କରିଥିଲା ପ୍ରେମିକ l ଶେଷରେ ଏକା ଥିବାର ସୁଯୋଗ ପାଇ ଶିଶୁକୁ ତଣ୍ଟିଚିପି ମାରିଦେଇଥିଲା ମନୋଜ । ଅଭିଯୁକ୍ତକୁ ଗିରଫ ପରେ ଘଟଣାର ଖୁଲାସା କରିଛି ଖନ୍ତାପଡ଼ା ପୋଲିସ । ବାହାହେବା ପାଇଁ ପିଲାକୁ ମାରିଦେଇଥିବା ପୋଲିସ ଆଗରେ ମାନିଛି ଅଭିଯୁକ୍ତ ମନୋଜ l