AISA ସଦସ୍ୟା ସେହଲା ରସିଦଙ୍କ ନାଁରେ ଚାଲିବ ଦେଶଦ୍ରୋହ ମାମଲା
1 min read
ନୂଆଦିଲ୍ଲୀ : JNUର ପୂର୍ବତନ ଛାତ୍ର ସଂଗଠନ ଅଧ୍ୟକ୍ଷ ତଥା AISA ସଦସ୍ୟା ସେହଲା ରସିଦଙ୍କ ନାଁରେ ଚାଲିବ ଦେଶଦ୍ରୋହ ମାମଲା । ସେହଲାଙ୍କ ନାଁରେ ଦେଶଦ୍ରୋହ ମାମଲା ରୁଜୁ ପାଇଁ ଅନୁମତି ଦେଇଛନ୍ତି ଦିଲ୍ଲୀ ଉପ ରାଜ୍ୟପାଳ । କାଶ୍ମୀର ନିବାସୀ ସେହଲା ୨୦୧୯ରେ ଦୁଇଟି ବିବାଦୀୟ ଟୁଇଟ କରିଥିଲେ ।
ଭାରତୀୟ ସେନାକୁ ନେଇ ସେହଲା କରିଥିବା ଟୁଇଟର ଉତ୍ତର ରଖିବା ସହ ସେହଲାଙ୍କ ଅଭିଯୋଗକୁ ଖଣ୍ଡନ କରିଥିଲା NIA । ଏହାସହ ଟୁଇଟ ଯୋଗେ ଲୋକଙ୍କୁ ଉକୁସାଯାଉଛି ବୋଲି NIA ପକ୍ଷରୁ ଟୁଇଟ କରାଯାଇଥିଲା । ଆଡଭୋକେଟ ଆଲୋକ ଶ୍ରୀବାସ୍ତବଙ୍କ ପକ୍ଷରୁ ସେହଲାଙ୍କ ବିରୋଧରେ ଅଭିଯୋଗ ହୋଇଥିବା ବେଳେ ଦିଲ୍ଲୀ ପୋଲିସ ମାମଲା ରୁଜୁ କରିଥିଲା । ଏଡାସହ ଦେଶଦ୍ରୋହ ମାମଲା ରୁଜୁ ପାଇଁ ଦିଲ୍ଲୀ ଉପରାଜ୍ୟଙ୍କୁ ଅନୁମତି ମାଗିଥିଲା ଦିଲ୍ଲୀ ପୋଲିସ ।
