ହାର୍ଦ୍ଦିକ ପାଣ୍ଡ୍ୟାଙ୍କୁ ନେଇ ବିସିସିଆଇକୁ ଏମିତି ଚେତାବନୀ ଦେଲେ ଇର୍ଫାନ ପଠାନ୍..

ଦିଲ୍ଲୀ: ଭାରତୀୟ କ୍ରିକେଟ ଟିମ୍ର ପୂର୍ବତନ ଖେଳାଳୀ ଇର୍ଫାନ ପଠାନ ଦେଲେ ଚେତାବନୀ । ଦ୍ରୁତ ବୋଲର ଇର୍ଫାନ ପଠାନ ବିସିସିଆଇ ସାମ୍ନାରେ ନିଜର ଚେତାବନୀ ରଖିଛନ୍ତି । ଭାରତ ଶ୍ରୀଲଙ୍କା ମଧ୍ୟରେ ୩ ମ୍ୟାଚ ବିଶିଷ୍ଟ ଟି୨୦ ସିରିଜ ଖେଳାଯିବାକୁ ଥିବା ବେଳେ ଯାହାର ପ୍ରଥମ ମ୍ୟାଚ ଜାନୁୟାରୀ ୩ରେ ଖେଳାଯିବ । ଏଠାରେ ସବୁଠାରୁ ବଡ କଥା ରହିଛି ଏହି ଟି୨୦ ସିରିଜ୍ ପାଇଁ ଦଳର ଷ୍ଟାର ଖେଲାଳୀଙ୍କୁ ଦିଆଯାଇଛି ବିଶ୍ରାମ । ତାଙ୍କ ମଧ୍ୟରେ ରହିଛନ୍ତି, ଷ୍ଟାର ଖେଳାଳୀ ବିରାଟ କୋହଲି, ରୋହିତ ଶର୍ମା ଏବଂ କେ.ଏଲ ରାହୁଲ । ଏହି ସନିୟର ଖେଳାଳୀଙ୍କ ବିଶ୍ରାମ ପରେ ବିସିସିଆଇ ନେଇ ଏକ ବଡ ନିଷ୍ପତ୍ତି ।

ବର୍ତମାନର ଏହି ଭାରତ ଶ୍ରୀଲଙ୍କା ଟି-୨୦ ସିରିଜ ପାଇଁ ଅଧିନାୟକ ପଦର ଭାର ସମ୍ଭାଳିବାକୁ ଯାଉଛନ୍ତି କ୍ରିକେଟର ହାର୍ଦ୍ଦିକ ପାଣ୍ଡ୍ୟା । ପାଣ୍ଡ୍ୟାଙ୍କ ହାତରେ ବିସିସିଆଇ ଦେଇଛି ଟିମ ଇଣ୍ଡିଆର ଦାୟିତ୍ୱ ଭାର । ବିସିସିଆଇର ଏଭଳି ଏକ ନିଷ୍ପତ୍ତିରେ ଅରାଜି ଅଛନ୍ତି ଭାରତୀୟ ପୂର୍ବତନ ଦ୍ରୁତ ବୋଲର ଇରଫାନ ପଠାନ । ଅନ୍ୟପଟେ ଇରଫାନ ରଖିଲେ ନିଜର ବ୍ୟକ୍ତିଗତ ମନ୍ତବ୍ୟ । ସିଧାସଳଖ ଇରଫାନ ଚେତାବନୀ ଦେଇଛନ୍ତି ଭାରତୀୟ କ୍ରିକେଟ କଣ୍ଟୋ୍ରାଲ ବୋର୍ଡକୁ ।

ଇରଫାନ ଅଧିନାୟକ ପଦ ପାଇଁ ନୁହେଁ ବରଂ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ଫିନନେସ୍କୁ ନେଇ ବ୍ୟସ୍ତ ହୋଇଯାଇଛନ୍ତି । ଇରଫାନ କହିଲେ, ଚୟନକର୍ତାମାନେ ଧ୍ୟାନ ରଖିବା ଉଚିତ । ଏହା ସହିତ ସେ କହିଲେ, ଆଇପିଏଲରେ ଗୁଜୁରାଟ ଟାଇଟାନ୍ସର ଅଧିନାୟକତ୍ୱ କରିଥିବା ପାଣ୍ଡ୍ୟାଙ୍କ ପ୍ରଦର୍ଶନ ଖୁବ ଭଲ ରହିଥିଲା । ସେ ଖୁବ ଫିଟ ମଧ୍ୟ ନଜିର ଆସିଥିଲେ । ଏହା ସହି ଇରଫାନ ନିଜେ ମଧ୍ୟ ପାଣ୍ଡ୍ୟାଙ୍କ ପ୍ରଦର୍ଶନରେ ଅଧିକ ପ୍ରଭାବିତ ହୋଇଥିଲେ । ପାଣ୍ଡ୍ୟାଙ୍କ ଅଧିନାୟକତ୍ୱର ଖୁବ ପ୍ରଶଂସା ମଧ୍ୟ କରିଛନ୍ତି ଇରଫାନ ।

କିନ୍ତୁ ବିସିସିଆଇ ତାଙ୍କୁ ଏତେ ସମୟ ପାଇଁ ଯଦି ଅଧିନାୟକ ପଦ ଦେବାକୁ ଯାଉଛି , ପ୍ରଥମେ ପାଣ୍ଡ୍ୟାଙ୍କ ଫିଟନେସ୍ କଥା ଭାବିବା ଜରୁରୀ ରହିଛି । କାହିଁକି ନା ନିକଟରେ ପାଣ୍ଡ୍ୟା ନିଜ ପିଠି ସର୍ଜରୀ କରି ସୁସ୍ଥ ହୋଇ କମବ୍ୟାକ କରିଛନ୍ତି । ଏମିତିରେ ତାଙ୍କ ସ୍ୱାସ୍ଥ୍ୟ ପ୍ରତି ଏତେ ବଡ ରିକ୍ସ ନେବା ଖୁବ ଭୟଙ୍କର ମଧ୍ୟ ହୋଇପାରେ । ପୁଣି ଥରେ ପାଣ୍ଡ୍ୟାଙ୍କ ପିଠି ସମସ୍ୟା ତାଙ୍କୁ ହଇରାଣରେ ପକାଇପାରେ । ହାର୍ଦ୍ଦିକଙ୍କ ଉପରେ ଏତେ ଚାପ ପକାଇବା ପୂର୍ବରୁ ବିସିସିଆଇକୁ ଆଉ ଥରେ ଚିନ୍ତା କରିବା ଆବଶ୍ୟକ ବୋଲି କହିଲେ ଇରଫାନ ।