୫୦ ହଜାର ଟଙ୍କାରେ ୩ ଦିନର ଶିଶୁକୁ ବିକ୍ରି !

ଭୁବନେଶ୍ୱର: ରାଜଧାନୀ ଉପକଣ୍ଠ ବାଲିଅନ୍ତାରେ ଅଭାବନୀୟ ଘଟଣା । ରାଜଧାନୀରେ ପୁଣି ଆସିଲା ପିଲା ବିକ୍ରି ଅଭିଯୋଗ । ୫୦ ହଜାର ଟଙ୍କାରେ ୩ ଦିନର ଶିଶୁକୁ ବିକ୍ରି କରିଥିବା ନେଇ ସୂଚନା ମିଳିଛି । ବାଲିଅନ୍ତା ଥାନା ଭଇଁଚୁଆରେ ଘଟିଛି ଏଭଳି ଘଟଣା । ସାମାନ୍ୟ ଟଙ୍କା ପାଇଁ ନିଜ ପିଲାକୁ ବିକ୍ରି ବାପାମାଆ ବିକ୍ରି କରିଥିବା ଅଭିଯୋଗ । ଅଭିଯୋଗ ପାଇବା ପରେ ଘଟଣାସ୍ଥଳରେ ପହଞ୍ଚିଛି ଚାଇଲ୍ଡ ଲାଇନ ।

ନହରକଣ୍ଟାରୁ ଶିଶୁକୁ ଉଦ୍ଧାର କରିଛି ଚାଇଲ୍ଡଲାଇନ୍ । ଆର୍ଥିକ ସ୍ଥିତି ସ୍ୱଚ୍ଛଳ ନଥିବା କାରଣରୁ ବାପା-ମାଆ ବିକ୍ରି କରିଥିବା ନେଇ ସନ୍ଦେହ । କିଣିଥିବା ବ୍ୟକ୍ତିଙ୍କୁ ପଚରାଉଚରା ପଚରା ଉଚରା କରୁଛି ବାଲିଅନ୍ତା ପୋଲିସ । ତେବେ ଏଠି ପ୍ରଶ୍ନ ଉଠୁଛି ଯେ, ସାମାନ୍ୟ ଟଙ୍କା ପାଇଁ ଜନ୍ମକଲା ବାପା ମାଆ ଏତେ ନିର୍ଦ୍ଦୟୀ କେମିତି ହେଲେ । ନା ପିଲା ବିକ୍ରି ପଛରେ ଆଉ କିଛି କାରଣ ରହିଛି । ତଦନ୍ତ ପରେ ସମ୍ପୂର୍ଣ୍ଣ ଘଟଣା ସାମ୍ନାକୁ ଆସିବ ।