ବୌଦ୍ଧ: ବୌଦ୍ଧ ସହରରେ ବିଭିନ୍ନ କ୍ଲିନିକ୍ ଉପରେ ଜିଲ୍ଲା ପ୍ରଶାସନର ଅତର୍କିତ ଚଢ଼ାଉ। ତିନୋଟି କ୍ଲିନିକ୍ ସିଲ୍ ହୋଇଥିବା ସୂଚନା। ବିନା ଲାଇସେନ୍ସରେ କ୍ଲିନିକ୍ ଚାଲୁଥିବା ନେଇ ଅଭିଯୋଗ ହେବା ପରେ ଚଢ଼ାଉ ହୋଇଛି । ମେଡିକାଲ ପାଖ ନଟରାଜ ପାଥୋ କ୍ଲିନିକ୍, ରାଜନପାଲିର ସାଇ ଦାନ୍ତ କ୍ଲିନିକ୍ ଏବଂ ପ୍ରଧାନ ହେଲ୍ଥ କେୟାରକୁ ସିଲ୍ କଲା ଜିଲ୍ଲା ପ୍ରଶାସନ।
ଜିଲ୍ଲାପାଳ ସତ୍ୟ ରଞ୍ଜନ ସାହୁଙ୍କ ନିର୍ଦ୍ଦେଶ କ୍ରମେ ଆଜି ଉପଜିଲ୍ଲାପାଳ ସନତ ନାଏକଙ୍କ ନେତୃତ୍ୱରେ ଏକ ଟିମ୍ ସହର ମଧ୍ୟରେ ଥିବା ବେଆଇନ କ୍ଲିନିକ୍ ଗୁଡ଼ିକ ଉପରେ ଚଢ଼ାଉ କରିଥିଲେ। ତିନୋଟି କ୍ଲିନିକର ଲାଇସେନ୍ସ ସହ ଆବଶ୍ୟକ ଭିତ୍ତିଭୂମୀ ନଥିବାରୁ ସିଲ କରାଯାଇଥିବା ସୂଚନା ରହିଛି । କାଉନସେଲିଂ କରି ଆବଶ୍ୟକ ଫାଇନ ମଧ୍ୟ ଆଦାୟ କରାଯିବ ବୋଲି ଜଣାପଡ଼ିଛି ।
