ପ୍ରେମ ଜାଲରେ ଫସାଇ ନାବାଳିକାକୁ ଅପହରଣ, ରାଜମିସ୍ତ୍ରୀ ଗିରଫ

ଦେବଗଡ: ନାବାଳିକାକୁ ଅପହରଣ ଓ ଦୁଷ୍କର୍ମ ମାମଲାରେ ମୁର୍ଷିଦାବାଦରୁ ଅଭିଯୁକ୍ତ ଗିରଫ  । ନାବାଳିକାକୁ ଉଦ୍ଧାର କରିଛି ଦେବଗଡ ପୋଲିସ  । ଦେବଗଡ଼ ପୌରାଞ୍ଚଳରୁ ଜଣେ 13 ବର୍ଷୀୟା ନାବାଳିକାକୁ ଅପହରଣ କରାଯାଇଥିବା ଅଭିଯୋଗ ହୋଇଥିଲା  । ଘଟଣାର ତଦନ୍ତ କରି ପଶ୍ଚିମବଙ୍ଗର ମୁର୍ସିଦାବାଦରେ ପହଞ୍ଚିଥିଲା ଦେବଗଡ ପୋଲିସ  ।

ମୁର୍ସିଦାବାଦରୁ ଅଭିଯୁକ୍ତ ସାହିଦୁଲ୍ଲ ଶେଖକୁ ଗିରଫ କରାଯାଇଛି । ସାହିଦୁଲ୍ଲ ଦେବଗଡ଼ ପୌରାଞ୍ଚଳରେ ରାଜମିସ୍ତ୍ରୀ କାମ କରୁଥିବା ବେଳେ ପ୍ରଲୋଭିତ କରି ନାବାଳିକାକୁ ଅପହରଣ କରି ନେଇ ମୁର୍ଷିଦାବାଦ ଚାଲିଯାଇଥିଲା l

ଗତ 16 ତାରିଖରୁ ନାବାଳିକା ନିଖୋଜ ଥିବା ନେଇ 17 ତାରିଖରେ ଦେବଗଡ଼ ଥାନାରେ ଲିଖିତ ଅଭିଯୋଗ କରିବା ପରେ ଦେବଗଡ଼ ଥାନା ପୁଲିସ ଘଟଣାର ତଦନ୍ତ କରି ଆଜି ଅଭିଯୁକ୍ତକୁ ଗିରଫ କରିଛି ।