ପୁଟିନ ବାହିନୀକୁ ଜବରଦସ୍ତ ଧକ୍କା, ଋଷ ଅଧିକୃତ ଦକ୍ଷିଣାଞ୍ଚଳକୁ ଅଧିକାର କଲା ୟୁକ୍ରେନ

କିଭ୍: ଋଷକୁ ଜବରଦସ୍ତ ଧକ୍କା । ଋଷ ଅଧିକୃତ ଦକ୍ଷିଣାଞ୍ଚଳ ୟୁକ୍ରେନର ପ୍ରାୟ ୪୦୦ ବର୍ଗ କିଲୋମିଟର ଅଞ୍ଚଳକୁ ୟୁକ୍ରେନ ପୁଣି କରିଛି କବଜା । କିଛି ମାସ ଧରି ଖେରସନର ବ୍ୟାପକ ଅଞ୍ଚଳରେ ଋଷ ସୈନ୍ୟଙ୍କ ଜାରି ରହିଥିଲା ଆଧିପତ୍ୟ । ତେବେ ଅକ୍ଟୋବର ଆରମ୍ଭରୁ ବର୍ତ୍ତମାନ ଯାଏ ଋଷକୁ ଟକ୍କର ଦେବାରେ ସଫଳ ହେଉଛନ୍ତି ୟୁକ୍ରେନବାହିନୀ । ପ୍ରାୟ ୪୦୦ ବର୍ଗ କିଲୋମିଟରରେ ବର୍ତ୍ତମାନ ଉଡିଛି ୟୁକ୍ରେନ ପତାକା । ଏନେଇ ସୂଚନା ଦେଇଛନ୍ତି ୟୁକ୍ରେନ ଦକ୍ଷିଣାଞ୍ଚଳ ଆର୍ମିର କମାଣ୍ଡର ନାତାଲିଆ ଗୁମେନିୟକ ।

ସେପଟେ ଋଷ ସେନା ଦାବି କରିଛନ୍ତି ୟୁକ୍ରେନର ଆହୁରି ଅନେକ ଅଞ୍ଚଳକୁ କବଜା କରାଯାଇଛି । ଦୁଦଚାଣ୍ଟି, ସୁଖାନୋଭ, ସଦୋକ ଓ ବ୍ରୁସରେ ୟୁକ୍ରେନ ସୈନ୍ୟ ମୁତୟନ ହୋଇଥିବା ସୂଚନା ମିଳିଛି ।