ସ୍ତ୍ରୀଙ୍କୁ ମାରି ପାଇଖାନା ଟାଙ୍କିରେ ଫିଙ୍ଗି ଦେଲା ସ୍ବାମୀ

କୋରାପୁଟ: ସ୍ତ୍ରୀକୁ ହତ୍ୟା କରିବା ପରେ ପାଇଖାନା ଟାଙ୍ଗିରେ ପକାଇ ଦେଲା ସ୍ବାମୀ । ଏମିତି ଘଟଣା ଘଟିଛି କୋରାପୁଟ ଜିଲ୍ଲା କାକିରିଗୁମ୍ମା ପଞ୍ଚାୟତ ଡେବରାଗୁଡ ଗ୍ରାମରେ ।

ଅଭିଯୋଗ ଅନୁସାରେ ଦଶରଥ ସାହୁ ପତ୍ନୀଙ୍କୁ ହତ୍ୟା କରିବା ପରେ ଘର ଭିତରେ ଥିବା ପାଇଖାନା ଟାଙ୍କିର ସ୍ଲାବ୍ ଟେକି ମୃତଦେହ ଫିଙ୍ଗି ଦେଇଥିଲା । ଏହାପରେ ଶ୍ବଶୁର ଘରକୁ ଯାଇ ପତ୍ନୀ ନିଖୋଜ ଥିବା ସୂଚନା ଦେଇଥିଲେ । ଏହା ଶୁଣିବା ପରେ ପରିବାର ଲୋକ ଝିଅକୁ ଖୋଜି ଆଣିବାକୁ କହିଥିଲେ । ପତ୍ନୀ ନିଖୋଜ ନେଇ ଦଶରଥ ଅଗଷ୍ଟ ୧୫ ତାରିଖରେ କାକିରିଗୁମ୍ମା ଥାନାରେ ଏତଲା ଦେଇ ଚୁପଚାପ ରହିଯାଇଥିଲେ । ମହିଳାଙ୍କ ପରିବାର ଲୋକେ ବି ଦଶରଥଙ୍କୁ ଝିଅକୁ ଖୋଜି ବାହାର କରିବାକୁ କିଛଇ ଦିନ ଦେିଥିଲେ । ହେଲେ ଝିଅର କିଛି ଖୋଜଖବର ମିଳି ନଥିଲା ।

ପରେ ମହିଳାଙ୍କ ପରିବାର ଲୋକେ କାକିରିଗୁମ୍ମା ଥାନାରେ ଦଶରଥଙ୍କ ବିରୋଧରେ ହତ୍ୟା ଅଭିଯୋଗ କରିଥିଲେ । ଯାହାକୁ ଆଧାର କରି ପୋଲିସ୍ ତଦନ୍ତ ଆରମ୍ଭ କରିଥିଲା । ଦଶରଥଙ୍କୁ ଅଟକ ରଖି ପଚରା ଉଚୁରା କରିବା ପରେ ସେ ସବୁ ସତ ମାନିଯାଇଥିଲା । ପରେ ପୋଲିସ ଗୌଡଗୁଡା ଗାଁରେ ପହଞ୍ଚି ଗଳିତ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ।