ସମ ହସ୍ପିଟାଲରେ ବିରଳ ଅସ୍ତ୍ରୋପଚାର, ସୁସ୍ଥ ହେଲେ ଇରାକର ୬୫ ବର୍ଷୀୟ ରୋଗୀ

ଭୁବନେଶ୍ୱର:  ସମ ହସ୍ପିଟାଲରେ ବିରଳ ଅସ୍ତ୍ରୋପଚାର । ସୁସ୍ଥ ହେଲେ ଇରାକର ୬୫ ବର୍ଷୀୟ ରୋଗୀ । ସେଣ୍ଟ୍ରାଲ ସ୍କଲ ବେଶ ଅଷ୍ଟିଓ ମାଇଲିଟିସ ରୋଗରେ ପୀଡିତ ହୋଇ ଇରାକରୁ ସମ ହସ୍ପିଟାଲ ଆସିଥିଲେ । ସମ ଅଲଟିମେଟ ହସ୍ପିଟାଲରେ ତାଙ୍କର ସଫଳ ଅସ୍ତ୍ରୋପଚାର ପରେ ଏବେ ସେ ସମ୍ପୂର୍ଣ୍ଣ ରୋଗ ମୁକ୍ତ ଓ ସୁସ୍ଥ ଥିବା ଜଣାପଡିଛି । ଇରାକର ଅବଦୁଲ ଖଳିଦ ଇମରାନଙ୍କର ଗତ କିଛିମାସ ହେବ କାନରୁ ପୂଜ ବାହାରିବା ସହ ମୁଣ୍ଡ ବିନ୍ଧା ହେଉଥିଲା । ଇରାକରେ ଯଦିଓ ରୋଗ ସମ୍ପର୍କରେ ଜଣା ପଡିଥିଲା କିନ୍ତୁ ଏହାର ଚିକତ୍ସା ସମ୍ଭବ ନଥିଲା । ପରେ ଏହାର ପ୍ରଭାବରେ ତାଙ୍କର ମୁହଁ ବଙ୍କା ହେବା ସହ ଶୋଇବା କଷ୍ଟକର ହୋଇପଡିଥିଲା । ପରେ ସମ ହସ୍ପିଟାଲରେ ଏହାର ଚିକିତ୍ସା ଓ ଅସ୍ତ୍ରୋପଚାର ସମ୍ପର୍କରେ ଜାଣି ଓଡିଶା ନିଜ ପରିବାର ସହ ଆସିଥିଲେ ଅବଦୁଲ ।

ସମ ଅଲଟିମେଟ ର ଇ.ଏନ. ଟି ଓ ସ୍କଲ୍ ବେଶ ସର୍ଜରି ବିଭାଗ ମୁଖ୍ୟ ଡାକ୍ତର ରାଧମାଧଵ ସାହୁଙ୍କ ତତ୍ୱାବଧାନରେ ଅଢେଇଘଣ୍ଟା ଧରି ନୂଆ ଜ୍ଞାନ କୌଶଳରେ ଅସ୍ତ୍ରୋପଚାର କରାଯାଇଥିଲା । ଆଡ଼ଭାନ୍ସ ଏଣ୍ଡୋସ୍କୋପି ଓ ମାଇକ୍ରୋସ୍କୋପି ଜରିଆରେ ଅପରେସନ କରାଯାଇଥିଲା । ତେବେ ୬୫ ବର୍ଷ ବୟସ ଓ ମଧୁମେହରେ ଆକ୍ରାନ୍ତ ଯୋଗୁଁ ଡାକ୍ତରଙ୍କ ପାଇଁ ଏହା ଚାଲେଞ୍ଜ ଥିଲା । ହେଲେ ମଧ୍ୟ ଡାକ୍ତରୀ ଟିମ ଏଥିରେ ସଫଳ ହେବା ସହ ୬ ଦିନ ପରେ ତାଙ୍କୁ ଡାକ୍ତରଖାନାରୁ ଘରକୁ ଯିବାକୁ ଅନୁମତି ମିଳିଛି ।