ନଈରେ ଭାସିଗଲେ ୫ ସାଙ୍ଗ, ୩ ଉଦ୍ଧାର ୨ ନିଖୋଜ

ଭୁବନେଶ୍ୱର: ଗଣେଶ ପୂଜାରେ ଅଘଟଣ । ସ୍କୁଲକୁ ଯାଉଛୁ ବୋଲି କହି ନଈରେ ଭାସିଗଲେ ୫ ସାଙ୍ଗ। ୩ ଜଣ ଉଦ୍ଧାର ହୋଇଥିବା ବେଳେ ୨ ଜଣ ଏବେ ନିଖୋଜ ଅଛନ୍ତି। କଟକ ପ୍ରତପାନଗରୀ ସ୍ଥିତ କୁଆଖାଇ ନଈରେ ଘଟିଛି ଏହି ଅଘଟଣ । ସମସ୍ତେ ପଟିଆ ଅଞ୍ଚଳର ହୋଇଥିବା ବେଳେ ସମସ୍ତେ ସ୍କୁଲର ଛାତ୍ର ବୋଲି ଜଣା ପଡ଼ିଛି ।

୫ ଜଣଙ୍କ ମଧ୍ୟରୁ ୩ ଜଣଙ୍କୁ ସ୍ଥାନୀୟ ଲୋକେ ଉଦ୍ଧାର କରିଥିବା ବେଳେ ନିଖୋଜ ୨ ଜଣଙ୍କୁ ଉଦ୍ଧାର କରିବା ପାଇଁ କଟକ ଓ ବାରଙ୍ଗ ଅଗ୍ନିଶମ ବିଭାଗର ଦୁଇଟି ଟିମ୍ ଏବଂ ଗୋଟିଏ ଓଡ୍ରାଫ ଟିମ୍ ନିୟୋଜିତ ଅଛନ୍ତି । ସମସ୍ତଙ୍କର ପରିବାର ଲୋକେ ଘଟଣାସ୍ଥଳରେ ଉପସ୍ଥିତ ରହିଛନ୍ତି । ନିଖୋଜ ହୋଇଥିବା ଦୁଇ ଜଣଙ୍କ ନାଁ ରୀତି ରଞ୍ଜନ ମାଢ଼ି ଓ ଆଶୁତୋଷ ପାଲ । ସେପଟେ ଉଦ୍ଧାର ହୋଇଥିବା ତିନି ଜଣଙ୍କ ନାଁ ଲିପୁନ ରାଉତ, ଶୁଭମ୍ ମହାନ୍ତି ଓ ମହାବୀର ପ୍ରସାଦ ଗୌରା।