ଚୀନର ଡ୍ରୋନ୍ ଉପରେ ଆକ୍ରମଣ କଲା ତାଇୱାନ

ବେଜିଂ: ଚୀନ ଓ ତାଇୱାନ ଭିତରେ ବିବାଦ ଆହୁରି ଘନେଇବାରେ ଲାଗିଛି। ତାଇୱାନ ସେନା ଚୀନର ଡ୍ରୋନ ଉପରକୁ ଗୁଳି ମାଡ଼ କରିଛି। ଡ୍ରୋନ୍‌ଟି ତାଇୱାନର ନିୟନ୍ତ୍ରଣରେ ଥିବା କିନମେନ ଆଇସଲାଣ୍ଡରେ ଉଡୁଥିବା ବେଳେ ତାଇୱାନ ସେନା ଗୁଳିମାଡ଼ କରିଥିଲେ। ଏହି ଦ୍ୱୀପକୁ ଚୀନ ନିଜର ବୋଲି କହୁଥିବା ବେଳେ ଏହା ତାଇୱାନ ନିୟନ୍ତ୍ରଣରେ ରହିଛି ।

ତେବେ ଚୀନ୍‌ ମିଲିଟାରି ଡ୍ରିଲ୍‌ କରୁଥିବା ବେଳେ ତାଇୱାନ ସୀମାରେ ସେନାର ଗତିବିଧି ଜାରି ରହିଛି। ଯାହାକୁ ନେଇ ତାଇୱାନର ଚିନ୍ତା ବଢୁଥିବା ବେଳେ ପ୍ରଥମ ଥର ପାଇଁ ଆକ୍ସନ ନେଇଛି। ଏପଟେ ଆମେରିକା ତାଇୱାନକୁ ସହାୟତା କରିବାକୁ ଯାଉଛି। ବ୍ୟାପକ ପରିମାଣରେ ଅସ୍ତ୍ରଶସ୍ତ୍ର ପଠାଇ ତାଇୱାନକୁ ଚୀନ୍‌ ବିରୋଧରେ ଲଢିବାକୁ ସାହାଯ୍ୟ କରିବ। ୧.୧ ବିଲିୟନ ଡଲାରର ଅସ୍ତ୍ରଶସ୍ତ୍ର ପଠାଇବ ଆମେରିକା ଯାହାକୁ ନେଇ ତାଇଓ୍ବାନ ପକ୍ଷରୁ ସ୍ବାଗତ କରାଯାଇଛି । ସେପଟେ ଚୀନର କହିବା କଥା ଏଭଳି ଅସ୍ତ୍ରଶସ୍ତ୍ର ଯୋଗାଇ ଆମେରିକା ସ୍ଥିତିକୁ ଆହୁରି ଗରମ କରିଛି।