ରାଗିଂ ରୋକିବାକୁ କୁଳପତି ଓ କଲେଜ ଅଧ୍ୟକ୍ଷଙ୍କୁ ଉଚ୍ଚଶିକ୍ଷା ସଚିବଙ୍କ ଚିଠି, ତିଆରି ହେବ ଆଣ୍ଟି ରାଗିଂ ସ୍କ୍ୱାର୍ଡ
1 min read
ଭୁବନେଶ୍ୱର: ବିଶ୍ୱବିଦ୍ୟାଳୟ ଓ କଲେଜରେ ରାଗିଂ ରୋକିବାକୁ ପ୍ରାକ ପଦକ୍ଷେପ। କୁଳପତି ଓ କଲେଜ ଅଧ୍ୟକ୍ଷଙ୍କୁ ଉଚ୍ଚଶିକ୍ଷା ସଚିବ ଚିଠି ଲେଖିଛନ୍ତି। ଏଣିକି UGC ନିୟମାନୁସାରେ ପଦକ୍ଷେପ ନିଆଯିବ । ଆଡମିଶନ ସମୟରେ ଛାତ୍ରଛାତ୍ରୀ ଅନଲାଇନ ଅଣ୍ଡରଟେକିଂ ଦେବେ । ନିୟମ ଅନୁସାରେ ଅଭିଭାବକଙ୍କୁ ମଧ୍ୟ ଅନଲାଇନ ଅଣ୍ଡରଟେକିଂ ଦେବାକୁ ହେବ। ପ୍ରତିବର୍ଷ କଲେଜ କର୍ତ୍ତୃପକ୍ଷଙ୍କୁ ଅଣ୍ଡରଟେକିଂ ଦିଆଯିବ । ତେବେ ବ୍ୟକ୍ତିଗତ ଭାବେ ଅଣ୍ଡରଟେକିଂର ସତ୍ୟପାଠର ଆଉ ଆବଶ୍ୟକତା ନାହିଁ । ବ୍ୟକ୍ତିଗତ ଭାବେ ଅଣ୍ଡରଟେକିଂର ସତ୍ୟପାଠର ଆଉ ଆବଶ୍ୟକତା ନାହିଁ ।
ଏସବୁ ବ୍ୟତୀତ ସମସ୍ତ କଲେଜ ଆଣ୍ଟିରାଗିଂ ସଚେତନତା କର୍ମଶାଳା କରିବେ। ୩ରୁ ୪ଜଣ ଅଧ୍ୟାପକଙ୍କୁ ନେଇ ଏକ ଆଣ୍ଟି ରାଗିଂ ସ୍କ୍ୱାର୍ଡ ହେବ। ପ୍ରତିବର୍ଷ ପ୍ରଥମ ୩ମାସ ଯାଏ ନୂଆ ଛାତ୍ରଛାତ୍ରୀଙ୍କ ଫିଡବ୍ୟାକ୍ ନିଆଯିବ । ରାଗିଂ ଅଭିଯୋଗ ଆସିଲେ କଲେଜ FIR ଦେବ। ପୋଲିସ ଆକ୍ସନ ପୂର୍ବରୁ କଲେଜ ବି କାର୍ଯ୍ୟାନୁଷ୍ଠାନ ନେଇପାରିବ । ଏଥିସହ ପ୍ରତ୍ୟେକ କଲେଜକୁ ରାଜ୍ୟ ଓ ଜିଲ୍ଲା ସ୍ତରୀୟ ଆଣ୍ଟି ରାଗିଂ କମିଟି ସର୍ପ୍ରାଇଜ ଭିଜିଟ୍ କରିବ।
