ଓଲିଉଡରେ ନିଶା ଲିଙ୍କ !

ଭୁବନେଶ୍ବର: ବଲିଉଡ଼ ପରି ଓଡ଼ିଆ ଫିଲ୍ମ ଇଣ୍ଡଷ୍ଟ୍ରି ଓଲିଉଡରେ ନିଶା ଲିଙ୍କ । ହୋଇପାରେ ଅଧିକ ଖୋଳତାଡ଼ । ଅଧିକ ଅଡୁଆରେ ପଡ଼ି ପାରନ୍ତି ଅଭିନେତା ବାବୁସାନ । ଷ୍ଟାର କଳିର ବ୍ରାଉନ ସୁଗର, ଚରସ ଲିଙ୍କ ନେଇ ଏସଟିଏଫ୍ ବଡ଼ ବୟାନ ପରେ ବାବୁସାନଙ୍କ ଅଡୁଆ ବଢ଼ିପାରେ ।

ଏସଟିଏଫ ପକ୍ଷରୁ କୁହାଯାଇଛି, କମିଶନରେଟ ପୋଲିସ ସହଯୋଗ ଚାହିଁଲେ ଆମେ ତଦନ୍ତ କରିପାରୁ । ଅଧିକ ତଥ୍ୟ ଅନୁସାରେ ଏହି ଲିଙ୍କର ହେବ ତଦନ୍ତ । ଅଭିଯୋଗ ଆସିଲେ ଏହାର ବିଚାର କରାଯିବା ବୋଲି କହିଛି ଏସଟିଏଫ । ଏହି ଅଭିଯୋଗର ତଦନ୍ତ ପରିସରଭୁକ୍ତ ହୋଇପାରନ୍ତି ଅଭିନେତା ଓ ଅଭିନେତ୍ରୀ । ଏ ନେଇ ସୂଚନା ଦେଇଛନ୍ତି ଏସଟିଏଫ୍ ଡିଏସପି ସଚ୍ଚିଦାନନ୍ଦ ରଥ ।