ବାଲୁକା କଳା ମାଧ୍ୟମରେ ରଜ ଶୁଭେଚ୍ଛା

ବଲାଙ୍ଗୀର: ଆଜି ଶେଷ ରଜ । ଗାଁରୁ ସହର ସବୁଠି ଉତ୍ସବର ମାହୋଲ । ଓଡ଼ିଶାର ଗଣପର୍ବକୁ ଦୁଇ ବର୍ଷ ପରେ ବେଶ ଧୂମଧାମରେ ପାଳନ କରାଯାଉଛି । କଳାକାରମାନେ ମଧ୍ୟ ଏଥିରୁ ବାଦ ପରିନାହାନ୍ତି । ନିଜ କଳାକୃତି ମାଧ୍ୟମରେ ରାଜ୍ୟବାସୀଙ୍କୁ ଜଣାଉଛନ୍ତି ରଜ ଅଭିନନ୍ଦନ । ଏହିପରି ବାଲୁକା କଳା ମଧ୍ୟମରେ ରାଜ୍ୟବାସୀଙ୍କୁ ରଜ ଶୁଭେଚ୍ଛା ଜଣାଇଛନ୍ତି ବଲାଙ୍ଗୀରର ଯୁବ ବାଲୁକା ଶିଳ୍ପୀ ଓମପ୍ରକାଶ ସାହୁ ।

ଓମ୍ ପ୍ରକାଶ ପେଶାରେ ଜଣେ ଶିକ୍ଷକ ହୋଇଥିଲେ ମଧ୍ୟ ନିଶା ବାଲୁକା କଳା । ସେ ତାଙ୍କ ନିଖୁଣ କାରିଗରୀ ମାଧ୍ୟମରେ ଜନସାଧାରଣଙ୍କୁ ରଜ ପର୍ବର ମହାତ୍ମ୍ୟ ଜଣାଇଛନ୍ତି । ବର୍ତ୍ତମାନ ସମୟରେ କୌଣସି ପର୍ବ ଏକ ନିର୍ଦ୍ଦିଷ୍ଟ ଅଞ୍ଚଳରେ ପାଳନ ନ ହୋଇ ସମଗ୍ର ବିଶ୍ବର କୋଣ ଅନୁକୋଣରେ ପାଳନ କରାଯାଉଛି । ତେଣୁ ବାଲୁକା ଶିଳ୍ପୀ ଓମପ୍ରକାଶ ତାଙ୍କ କଳା ମାଧ୍ୟମରେ ସମସ୍ତଙ୍କୁ ଶୁଭେଚ୍ଛାର ବାର୍ତ୍ତା ଜଣାଇଛନ୍ତି ।